„ვისოლ ჯგუფი“ და „ილიას სახელმწიფო უნივერსიტეტი“ ახალგაზრდულ სოციალური პროექტს „საზაფხულო სტუდენტური მოგზაურობა“ #იზრუნე იწყებენ.   

როგორც ვისოლის გენერალურმა დირექტორმა, ვასილ ხორავამ აღნიშნა, პროექტი 200-მდე სტუდენტს საშუალებას მისცემს საქართველოს რეგიონებში იმოგზაუროს, გაეცნოს ქვეყნის სოფლის მეურნეობის, გარემოს დაცვისა და ტურიზმის მიმართულებით გამოწვევებს, რათა #იზრუნოს მათ განვითარებაზე.

„ილიას სახელმწიფო უნივერსიტეტთან“ ერთად საფუძველი ჩაეყარა ახალ ღონისძიებას, რომელსაც ჰქვია „საზაფხულო სტუდენტური მოგზაურობა“ #იზრუნე, სადაც მონაწილეობას მიიღებს 200-მდე სტუდენტი, პროექტი დაიწყება 6 აგვისტოს და გაგრძელდება თვის ბოლომდე, ზაფხულის ცხელი დღეებში სტუდენტებს ექნებათ საშუალება, საქართველოს რეგიონებში იმოგზაურონ, შეხვდნენ გარემოს დაცვის, სოფლის მეურნეობისა და ტურიზმის მიმართულებით დასაქმებულ ორგანიზაციებს, მიიღონ მათგან კონსულტაციები, პრაქტიკული გამოცდილება და დარწმუნებული ვართ, რომ ეს ღონისძიება იქნება საკმაოდ კარგი, სტუდენტების ჩართულობა კი, იქნება საკმაოდ მაღალი“, - განაცხადა ვასილ ხორავამ.

პროექტის სტუდენტებს ელით საინტერესო ლექციები, ექსპედიციები და საზოგადოებისთვის ცნობილ პროფესიონალებთან შეხვედრები და სხვადასხვა ტიპის აქტივობები. პარალელურად პროექტის მონაწილე სტუდენტები, ბანაკის თემატიკიდან გამომდინარე, საკუთარი ინტერესების გათვალისწინებით დაეხმარებიან სოფლის მეურნეობაში, აგრეთვე ტურიზმის მიმართულებით დასაქმებულ ადგილობრივ მოსახლეობას ( ფერმერები, სასტუმროს მფლობელები) მათთვის საჭირო საქმეებში, ასევე მუნიციპალიტეტებს ტურისტული ლოკაციების  მოწესრიგებაში.

სტუდენტები ოთხ ნაკადად გაემგზავრებიან „ილიას სახელმწიფო უნივერსიტეტის“ სამეცნიერო-კვლევით ბაზებზე ყაზბეგსა და დედოფლისწყაროში.

პროექტის პარტნიორები არიან „საქართველოს ფერმერთა ასოციაცია“, არასამთავრობო გარემოსდაცვითი ორგანიზაცია CENN და USAID.

პროექტში მონაწილე სტუდენტები შეირჩევიან სამოტივაციო წერილის საფუძველზე. პროექტი წელს საპილოტე რეჟიმში ხორციელდება და მასში მონაწილეობა მხოლოდ ილიას სახელმწიფო უნივერსიტეტის სტუდენტებისთვის არის შესაძლებელი.

მომავალ წელს პროექტი მთელი ზაფხულის განმავლობაში გაგრძელდება და მასში მონაწილეობის საშუალება სტუდენტებს მთელი საქართველოდან მიეცემათ.

(R)

ავტორი: ,

სოციალური ქსელები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს

ირაკლი კობახიძე -ჩვენი გეგმის მიხედვით, პირველი გემები ანაკლიაში 2029 წელს უნდა შემოვიდეს

თიბისის მხარდაჭერით ემიგრანტებისთვის ვარშავაში „თბილისობა“ გაიმართა

კობახიძე - ეკონომიკურ ზრდასთან დაკავშირებით მსოფლიო ბანკის განახლებული პროგნოზი გაიზარდა 7%-მდე, 2 პროცენტული პუნქტით