„არამეფის საქმეა რიგითი დეპუტატის პარტიიდან გარიცხვა. მე მგონი, ეს ამ დონეზე არ წყდება“, - ამის შესახებ „ქართული ოცნების“ უკვე ყოფილმა წევრმა, დავით ჭიჭინაძემ ბიძინა ივანიშვილს საუბრისას განაცხადა.

როგორც დეპუტატმა განმარტა, ის პარტიაში ბიძინა ივანიშვილს არ მიუღია და ფიქრობს, რომ არც მის გათავისუფლებაში ჩარეულა.

„გათავისუფლება გავიგე მედიიდან, ასეა, ძალიან კარგი ფორმაა უმრავლესობასთან ურთიერთობის. ვფიქრობ, რატომ უნდა დახარჯონ დრო, ენერგია, ან ახსნაზე, ან პოზიციების შეჯერებაზე. რაც შეეხება ბიძინა ივანიშვილს, მე არც მას მივუღივარ პარტიაში, არც გადაწყვეტილება მიუღია ჩემი მაჟორიტარად წარდგენისა, მე ვფიქრობ, ამ ადამიანის ხელმოწერაც არ არის. როგორც იტყვიან, არამეფის საქმეა რიგითი დეპუტატის პარტიიდან გარიცხვა, ამ დონეზე მე მგონი, არ წყდება. თუმცა ქალბატონი თამარი იძახის რომ შეუთანხმეს. არ ვიცი ამითი რა თქვეს?! ვერ გავიგე, ამ ხუთმა ადამიანმა საკუთარი თავი დააკნინეს?! რატომ აქვთ ეს თანანმდებობები, თუ კიდევ ვიღაცას უთანხმებენ?! ესეც გაუგებარია. მაშინ გააუქმონ ეს თანანმდებობები და იყოს პირდაპირ მრჩეველთა საბჭო, რომელიც მიიღებს დავალებას და  შეასრულებს“, - აღნიშნა დავით ჭიჭინაძემ.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო.

როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს