"თუ ადამიანი არ არის თავის ადგილზე, მაშინ გახდება დაცინვის, „ვანოს შოუს“, „ღამის შოუს“ და „პარლამენტ შოუს“ ობიექტი", - ასე მიმართა "ნაციოალური მოძრაობის" წევრმა რომან გოცირიძემ მინისტრობის კანდიდატებს.

როგორც გოცირიძემ აღნიშნა, მინისტრობის 3 ახალი კანდიდატი თანამდებობას არ შეესაბამება, რადგან ისინი პოლიტიკური ფიგურები არ არიან.

„დღევანდელი გამოსვლების მერე და მას შემდეგ, რაც მოვისმინე მთავრობის პროგრამა და შევხედე მთავრობას ვიზუალურად, გავაკეთე სერიოზული აღმოჩენა. თურმე ძალიან ვგავარ გენიალურ გერმანელ ფილოსოფოსს, ემანუელ კანტს - გარეგნულად კი არა, მე და კანტს, გვაქვს ერთნაირი იდეები. კანტმა ბრძანა: მე მუდამ მაოცებდა ორი რამ, ვარსკვლავებით მოჭედილი ცა და მორალური კანონები ჩემში. თურმე მეც ასე ვფიქრობდი, რომ ძალიან მაოცებდა ამ სამყაროში ორი რამ - მაღლა მოჭედილი ცა და დაბლა ბატონ ბიძინა ივანიშვილის საკადრო პოლიტიკა. საიდან მოიყვანეთ ეს ხალხი?! ვარსკვლავები გამოანათებენ და ჩაქრებიან, ზოგნი ბჟუტავენ, ან საიდანღაც გაჩნდებიან, მერე ისევ გაქრებიან. ახლა ახალი გუნდი შემოვიდა და ყველას დაგვავიწყდა ისინი გუშინ ვინც იყვნენ. ამოიწურა „ქართუს“ რეზერვუარები და გასცდა ახლა „ქართუს“ არეალს თქვენი საკადრო პოლიტიკა და ახლა ახალი კადრებით შეივსო. პიროვნულად არაფერი მაქვს საწინააღმდეგო, მაგრამ მინდა ვუთხრა მათ, რომ ისინი არ მოდიან იქ, სადაც მათი ადგილია. რამდენიმე თვეში ამას თვითონ მიხვდებიან და დარწმუნდებიან, რომ თუ ადამიანი არ არის თავის ადგილზე, მაშინ გახდება დაცინვის, „ვანოს შოუს“, „ღამის შოუს“ და „პარლამენტ შოუს“ ობიექტი. ახლა ფეხბურთი ახსენა ჩვენმა სპორტის კომიტეტის თავმჯდომარემ და დღეს ყველა რადგან გულშემატკივრები ვართ. წარმოვიდგინოთ ახლა მესიც, რომ იყოს ჩვენი მთავრობის წევრი და გადაიყვანოთ და ათამაშოთ წყალბურთი, რა მოუვა იცით?! წყალში შესვლისთანავე ჩაიძირება. ამიტომ, ყველა ადამიანი უნდა იყოს თავის ადგილზე - მესი ვერ ითამაშებს ჰოკეის. ადამიანები, რაღაც სფეროში შეიძლება იყვნენ წარმატებულები, შეიძლება მენეჯმენტში, "ჯეოსელში", შეიძლება "მაგთიში", მაგრამ მინისტრი არის პოლიტიკური ფიგურა, ადამიანი რომელსაც აქვს იდეები, რომელსაც შეუძლია ადამიანების მობილიზება, რომელსაც შეუძლია მედიასთან ურთიერთობა“, - განაცხადა რომან გოცირიძემ. 

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია