„წარმატება და კარგი რეფორმები ერთ სექტორში არ გვაძლევს სისტემურ წარმატებას, გვჭირდება წარმატებული რეფორმები ყველა მიმართულებით, ამიტომ გავაკეთე მასზე არჩევანი“, - ამის შესახებ მამუკა ბახტაძემ საქართველოს პარლამენტში,  ფრაქცია „საქართველოს პატრიოტების" სხდომის მიმდინარეობისას ფრაქციის წევრის კითხვის პასუხად განაცხადა.

„კახა კახიშვილი წარმატებული მინისტრი რომ იყო, სწორედ ამიტომ დავნიშნე მთავრობის ადმინისტრაციის ხელმძღვანელად. სწორედ, ამიტომ გავაკეთე მასზე არჩევანი - მან წარმატებული რეფორმები გაატარა ძალიან მნიშვნელოვან და ძალიან მძიმე სექტორში, მაგრამ წარმატება და კარგი რეფორმები ერთ სექტორში არ გვაძლევს ჩვენ სისტემურ წარმატებას. ჩვენ გვჭირდება ასეთივე წარმატებული რეფორმები ყველა მიმართულებით

პრემიერ-მინისტრი დარწმუნებულია, რომ კახა კახიშვილი დაკისრებულ ფუნქციას თავს ისეთივე წარმატებით გაართმევს, როგორც ეს იმ სამინისტროში გააკეთა, რომელსაც ხელმძღვანელობდა.

 „ეს არის ძალიან მნიშვნელოვანი პოსტი, განსაკუთრებით პრემიერ-მინისტრისთვის, ვინაიდან, მე განვაცხადე, რომ ჩემი მხრიდან პოლიტიკური ვალდებულებაა ყველა რეფორმა წარმატებით დავასრულო და რა თქმა უნდა, სწორედ, ამ მოტივაციიდან გამომდინარე მივიღე მე ეს გადაწყვეტილება. დარწმუნებული ვარ, კახა ამ მნიშვნელოვან ფუქნციას თავს წარმატებით გაართმევს, ისევე როგორც წარმატებით გაართვა თავი მნიშვნელოვან რეფორმებს თავი სამინისტროში, რომელსაც ხელმძღვანელობდა“, - განაცხადა მამუკა ბახტაძემ.

ავტორი: ,

სოციალური ქსელები

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს

საქართველოს ბანკის Student Card-ისა და sCool Card-ის მფლობელები ქუთაისში ტრანსპორტზე შეღავათიანი ტარიფით ისარგებლებენ