ჯანდაცვის კომიტეტის თავმჯდომარე აკაკი ზოიძე მიიჩნევს, რომ ერთი და იმავე სქესის მქონე მოქალაქეების ქორწინების დაკანონება არ უნდა მოხდეს.

როგორც ზოიძემ გადაცემა "პოლიტიკურ დეტექტორში" განაცხადა, აღნიშნული კანონის მიღება დაუშვებელია.

"ერთი და იმავე სქესის მქონე წყვილებს ქორწინების უფლება ნამდვილად არ უნდა ჰქონდეთ. ქორწინება არის მამაკაცს და ქალს შორის. თვითონ ქორწინების თემა სხვა თემაა. არავინ ხელს არ უშლით მათ იყვნენ პარტნიორები. რაც შეეხება შვილად აყვანას, არ მიმაჩნია, რომ არის სწორი, რადგან ასეთ შემთხვევაში ჩემი აზრით შვილის უფლებებთან მოდის წინააღმდეგობაში. შეიძლება დავუპირისპირდე ლიბერალებს, მაგრამ არ მიმაჩნია სწორად - ადამიანს არ აქვს არჩევანი ჰყავდეს ჩვეულებრივი დედ-მამა თუ განსხვავებული. ამ შემთხვევაში ჩემი აზრით შვილის უფლებები იზღუდება, თუმცა კიდევ ერთხელ ვიმეორებ ადამიანებს უნდა ჰქონდეთ უფლება იცხოვრონ მასთან ვისთანაც უნდათ. ეს მათი არჩევანია, ოღონდ ამის რეკლამა მიუღებელია, რომ ეს არის სწორი ცხოვრების წესი. ხშირად შთაბეჭდილება მრჩება, თავს გვახვევენ, რომ ეს არის ყველაფერი. მეორე მხარეს, მიუღებელია მხოლოდ ამ ნიშნით დისკრიმინაცია და ზეწოლა ადამიანების მიმართ", - განაცხადა ზოიძემ.

ავტორი: ,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა