საქართველოს პრეზიდენტის პოლიტიკური მდივანი ფიქრია ჩიხრაძე აჭარის მთავრობის მეთაურის ზურაბ პატარაძის გადადგომას ეხმაურება და მმართველ გუნდს შესაბამისი ახსნა-განმარტებების გაკეთებისაკენ მოუწოდებს.

,,რატომ შეიძლება წასულიყო პატარიძე ამის თაობაზე ახსნა ჩვენ უნდა მოვისმინოთ ან  თავად ბატონი  პატარაძისგან, ან  მმართველი გუნდისგან და ეს ახსნა უნდა იყოს ძალიან მკაფიო. ბოლო პერიოდში, ვხედავთ, რომ უმაღლესი თანამდებობის პირები ქრებიან უცებ თანამდებობიდან ისე, რომ ქართულ საზოგადოებას ღირსადაც არავინ არ თვლის აუხსნას, არგუმენტაცია უთხრას, საქმის კურსში ჩააყენოს - რის გამო მიიღება ასეთი მნიშვნელოვანი გადაწვეტილებები. ჩვენ ვნახეთ პრემიერმინისტრის განცხადება გადადგომის თაობაზე და მისი წასვლა. დღეს ჩვენ ვხედავთ აჭარის ლიდერის გადადგომას და წასვლას, მაგრამ არცერთ შემთხვევაში ჩვენ და მთელ ქართულ საზოგადოებას არ მიუღია ნორმალური,  ჩამოყალიბებული არგუმენტაცია ამ გადაწყვეტილებებთან დაკავშირებით, რაც, რა თქმა უნდა, არც ქართული და არც საერთაშორისო საზოგადოებისთვის არ არის მისაღები  და გასაგები", - აღნიშნა ფიქრია ჩიხრაძემ.

ცნობისთვის, ზურაბ პატარაძემ აჭარის მთავრობის თავმჯდომარის პოსტი დღეს დატოვა. როგორც მან აღნიშნა, გადაწყვეტილება „ქართულ ოცნებაში“ კონსულტაციების შემდეგ მიიღო.

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია