შინაგან საქმეთა მინისტრმა გიორგი გახარიამ ამერიკელ ხალხს დამოუკიდებლობის დღე - 4 ივლისი მიულოცა და საქართველოს მხარდაჭერისათვის მადლობა გადაუხადა.

„გულითადად ვულოცავ ამერიკელ ხალხს დამოუკიდებლობის დღეს! დამოუკიდებლობა და თავისუფლება არის ის უდიდესი მონაპოვარი, რაზეც დგას სახელმწიფო. ამერიკის შეერთებული შტატები ყოველთვის მხარში გვედგა თავისუფალი და დემოკრატიული საქართველოს მშენებლობის საქმეში. მინდა მადლობა გადავუხადო ჩვენს ამერიკელ პარტნიორებს საქართველოს სუვერენიტეტის, ტერიტორიული მთლიანობის მხარდაჭერისთვის, ასევე ჩვენი ოკუპირებული რეგიონების არაღიარების პოლიტიკისა და ევროატლანტიკური ინტეგრაციის პროცესში გვერდში დგომისთვის. აქვე მინდა მადლობა გადავუხადო ჩვენს ამერიკელ კოლეგებს კონგრესში ინიცირებული საქართველოს მხარდამჭერი ორპარტიული კანონპროექტისთვის, რომელიც უმნიშვნელოვანესი ისტორიული დოკუმენტია და რომელიც დარწმუნებული ვარ კიდევ უფრო განამტკიცებს ჩვენს სამომავლო ურთიერთობებს“, - განაცხადა გიორგი გახარიამ.

(NS)

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია