„ოთხოზორია-ტატუნაშვილის სიაში არ არის შეყვანილი რუსეთის ფედერაციის არც ერთი მოქალაქე“, -ამის შესახებ „ევროპული საქართველოს“ წევრმა სერგი კაპანაძემ ბრიფინგის დროს განაცხადა.

„ევროპული საქართველოს“ წევრები მიიჩნევენ, რომ „ტატუნაშვილი-ოთხოზორიას სია“ არის არასრულყოფილი. მათივე განმარტებით, 33 ადამიანში არ მოხდა რუსეთის არცერთი მოქალაქე და ასევე, პოლიტიკოსების მტკიცებით, გადამოწმების შემდეგ აღმოჩნდა, რომ  სიის შემადგენლობაში არსებული პირებიდან ნაწილი არის გარდაცვლილი.

დეპუტატები მიიჩნევენ, რომ მათზე სანქციების დაწესება არასერიოზულია. მათი შეფასებით, აუცილებელია სია გაფართოვდეს და შესაბამისი უწყებები უფრო სერიოზულად მიუდგნენ აღნიშნულ საკითხს.

„სამწუხაროდ, „ოთხოზორია-ტატუნაშვილის სიაში არ არის შეყვანილი რუსეთის ფედერაციის არც ერთი მოქალაქე. კერძოდ, არ არიან შეყვანილი „ეფ-ეს-ბეს“ ადგილზე არსებული „გერეუს“ და ზოგადად, საოკუპაციო ძალების წარმომადგენლები, რომლებიც პირდაპირ ახორციელებენ ეფექტურ კონტროლს და ხშირ შემთხვევაში არიან პასუხისმგებელნი არა მარტო დანაშაულის ჩადენაზე, არამედ დამნაშავეებისთვის ხელის დაფარებაზე. არც ერთი ასეთი ადამიანი „ოთხოზორია-ტატუნაშვილის სიაში" არ მოხვდა! ჩვენ, „ევროპული საქართველო“ გავაგრძელებთ მუშაობას იმ კუთხით, რომ ერთი მხრივ, რუსეთის ფედერაციის მოქალაქეებიც მოხვდნენ ამ სიაში, მეორე მხრივ, ამ სიამ მოიპოვოს მხარდაჭერა ჩვენს პარტნიორებში. ჩვენი კონკრეტული ძალისხმევით ევროპარლამენტის რეზოლუციაში არის მოწოდება ევროკავშირის ქვეყნებისადმი, რომ მათ ამ სიაში მყოფი ადამიანები შეიყვანონ თავიანთ სანქცირებულ ადამიანთა სიაში. ჩვენ გვაქვს ძალიან დიდი იმედი და მოვუწოდებთ ხელისუფლებას, რომ უფრო მეტი პასუხისმგებლობით მიუდგეს სიას და განავრცოს ის. შეიყვანოს მასში რუსეთის ფედერაციის მოქალაქეები და ეს პასუხისმგებლობა იყოს უფრო მეტი, ვიდრე არის დღეს“, -განაცხადა სერგი კაპანაძემ.

ავტორი: ,

სოციალური ქსელები

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება დაიწყო

კახა კალაძე ინტერ რაოს დასანქცირებაზე: თუ საჭირო აუცლებლობა იქნება რა თქმა უნდა, შესაბამის ნაბიჯებს გადავდგამთ

პროკურატურამ გიორგი ბარამიძის განცხადებასთან დაკავშირებით გამოძიება დაიწყო

Wine Square X Lunatic ერთმანეთის მხარდასაჭერად | მცირე ბიზნესის ჯაჭვი გრძელდება