გარემოს დაცვისა და სოფლის მეურნეობის მინისტრობის კანდიდატი ლევან დავითაშვილი,  არ გამორიცხავს, რომ სამინისტროს გაყოფაზე გუნდში მსჯელობა გაიმართოს.

თუმცა, ის მიიჩნევს, რომ ამ ეტაპზე სამინისტროს გაყოფა მიზანშეწონილი არ იქნება.

“შეიძლება იყოს მსჯელობა და გუნდი საბოლოო გადაწყვეტილებას მიიღებს. თუმცა, ჩემი პირადი პოზიცია არის ის, რომ თუ ჩვენ ვსაუბრობთ ზოგადად გარემოს დაცვის მიმართულების გაძლიერებაზე, ისე, როგორც არასდროს, გარემოს დაცვის მიმართულება გაერთიანებული სამინისტროს შემთხვევაში არის გაძლიერებული. გარემოს დაცვის ყველა მიმართულებას მეტი, უფრო კომპეტენტური და უფრო მეტი შესაძლებლობის მქონე სტრუქტურა გააჩნია. შესაბამისად, ჩვენი განვითარება მდგრადი განვითარების პრინციპებს პირდაპირ უკავშირდება. ამიტომ ჩემი აზრით, სამინისტროს გაყოფა, ამ ეტაპზე არ არის მიზანშეწონილი“, - განაცხადა ლევან დავითაშვილმა.

ცნობისთვის, სამინისტროს გაყოფის მომხრეები არიან საპარლამენტო უმრავლესობის დეპუტატები - გია გაჩეჩილაძე და კახაბერ კუჭავა ითხოვენ. ისინი მიიჩნევენ, რომ გარემოს დაცვისა და სოფლის მეურნეობის სამინისტროების გაერთიანება თავიდანვე არ უნდა მომხდარიყო.

ავტორი: ,

სოციალური ქსელები

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს