„ასე სახაჭაპურეც კი არ იმართება, არათუ სახელმწიფო. თუ კიდევ რამე გამიკვირდებოდა ამ დღეების განმავლობაში, არ მეგონა“,- ამის შესახებ „შენების მოძრაობის“ თავჯდომარე დავით უსუფაშვილმა განაცხადა.

მან პრემიერობის კანდიდატის, მამუკა ბახტაძის მიერ პარლამენტისთვის მთავრობის არსებული შემადგენლობის ფორმალურად წარდგენის გადაწყვეტილება გააკრიტიკა.

„საჭიროა სასწრაფოდ პრემიერ-მინისტრობის დასახელებულ კანდიდატს, ვინმემ კონსტიტუცია მიაწოდოს და კონსტიტუციაში ჩაახედონ და ყველა ვინც ამაზე საუბრობს ერთხელ და სამუდამოდ ჩამოყალიბდნენ იმაში, რომ ეს ქვეყანა იმართება კონსტიტუციით. რას ნიშნავს ცოტა ხანი დამამტკიცეთ და სხვა რაღაცას გავაკეთებ და მერე კიდევ დამამტკიცეთ?!  და თუ ის კანონი არ მიიღეს სტრუქტურული ცვლილებების შეცვლაზე, ან ახალი შემადგენლობა არ წარმოადგინა მერე ასე ჰაიჰარად დამტკიცებული მთავრობა უნდა დარჩეს ქვეყანას?! ყოვლად წარმოუდგენელია ხალხო,  მე ნამდვილად არ მეგონა თუ ამ დღეებში კიდევ რამე გამიკვირდებოდა. ამიტომ, ერთადერთი იმედი ახლა პარლამენტზეა. იქნებ მანდ მაინც ეყოს ვინმეს ცოდნაც, სახლემწიფოებრივი აზროვნებაც, მიდგომებიც და ახალ პრემიერს თუ პრემიერობის კანდიდატს ამ საწყის ეტაპზევე კარგად განუმარტონ, რა საქმეს კიდებს ეს კაცი ხელს, რა ჩარჩოებში უნდა ჩასვას თავისი თავიც და მთავრობაც და რა შემთხვევაში შეძლებს ქვეყნის ასე თუ ისე გაძღოლას“, - განაცხადა უსუფაშვილმა.

შეგახსენებთ, მთავრობა პარლამენტის წინაშე ნდობის მოსაპოვებლად არსებული შემადგენლობით წარდგება. ხოლო მას შემდეგ, რაც სტრუქტურულ ცვლილებებთან დაკავშირებით პარლამენტი საკნონმდებლო ცვლილებებს განახორციელებს, ბახტაძე საკანონმდებლო ორგანოში ნდობის მოსაპოვებლად კიდევ ერთხელ, უკვე განახლებული შემადგენლობით მივა.  

ავტორი: ,

სოციალური ქსელები

მარგუს ცაჰკნა - ესტონეთი ქართველი ხალხის გვერდით დგას

გახარია საქართველოსთვის - ცინიკურია, რომ ოცნება ოკუპაციასა და ოკუპაციის მსხვერპლ მოქალაქეებზე მეტად ე.წ. რუსოფობიის გამო სწუხან

ნორვეგიის საგარეო უწყება - საქართველოში, 18 წლის შემდეგაც კი, ოკუპაცია გრძელდება

ბაიბა ბრაჟე – ლატვია ურყევად უჭერს მხარს საქართველოს სუვერენიტეტს, ტერიტორიულ მთლიანობასა და საერთაშორისოდ აღიარებულ საზღვრებს