ეროვნულ-სოციალისტური მოძრაობა „საქართველოს ეროვნული ერთობის“ მიერ გავრცელებულ ვიდეო მიმართვასთან დაკავშირებით, რომელშიც სავარაუდოდ, 3 ცეცხლსასროლი იარაღი ჩანს, შინაგან საქმეთა სამინისტრომ გამოძიება დაიწყო.

როგორც „ექსპრესნიუსს“ სამინისტროს საზოგადოებასთან ურთიერთობის სამსახურში განუცხადეს, გამოძიება სსკ-ის 236-ე მუხლით მიმდინარეობს, რაც ცეცხლსასროლი იარაღის მართლსაწინააღმდეგოდ შეძენა-შენახვა-ტარებას გულისხმობს.

ცნობისთვის, სოციალურ ქსელში „საქართველოს ეროვნული ერთობის“ წევრებმა მიმართვა გაავრცელეს, რომელშიც ბელიაშვილის ქუჩაზე ადგილობრივ მცხოვრებლებსა და ნიგერიელ სტუდენტებს შორის მომხდარ დაპირისპირებას გამოეხმაურნენ. მათ კონფლიქტში მონაწილე საქართველოს მოქალაქეებს სოლიდარობა გამოუცხადეს. „რაც გააკეთეს ბელიაშვილზე მცხოვრებმა მამაკაცებმა, ეს იყო აბსოლუტურად ადეკვატური. მე და შავპერანგიანები ამაზე ბოდიშს არ ვიხდით. ჩვენც ჩავერევით, ჩვენც დავიცავთ ჩვენს ბავშვებს და ქალებს და გავცემთ პასუხს ნებისმიერ მიგრანტს, რომელიც არ დააფასებს დღის წესრიგს, რომელიც ამ ქვეყანაში საუკუნეებია არსებობს“, - განაცხადა ვიდეო მიმართვაში „ეროვნული ერთობის“ წარმომადგენელმა.

ავტორი: ,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები