ბარნოვის ქუჩაზე ახალგაზრდა ქალის მკვლელობაში ბრალდებული ყოფილი პოლიციელია, - ამის შესახებ გარდაცვლილის ბებიამ მერი გობაძემ განაცხადა.

როგორც გობაძემ აღნიშნა, მკვლელობის დროს სახლში გარდაცვლილის შვილებიც იმყოფებოდნენ.

"ეგ ციხიდან გამოსაშვები იყო? მაგას რა უნდა გარეთ? როგორ იკადრა, რომ შვილებს - 3 წლის და 6 წლის ბავშვებს, დედი სიკვდილი აყურებინა. არ ვაპატიებ მაგას. ხომ იცოდა პოლიციამ, რომ ასეთი მდგომარეობაა, მისამართიც იცოდნენ - რატომ არ დაუდგნენ დასაცავად? როგორც ჩემი შვილისგან ვიცი, პოლიციელი იყო წარსულში, ზუსტად რა თანამდებობა ჰქონდა, არ ვიცი", - განაცხადა გარდაცვლილის ბებიამ.

ამასთან, ოჯახის ნათესავის თქმით, მკვლელი ოჯახზე სისტემატურად ძალადობდა.

"დაურეკა გარდაცვლილის დედას და შერიგება სთხოვა, თუმცა როდესაც უარი მიიღო, შვილების მოკვლით დაემუქრა", - აცხადებს ნათესავი.

შეგახსენებთ, რომ გუშინ, ბარნოვის ქუჩაზე 25 წლის ქალს მამინაცვალმა ყელი გამოჭრა, რის შედეგადაც ის ადგილზე გარდაიცვალა. გამოძიება სსკ-ის 108-ე განზრახ მკვლელობის მუხლით მიმდინარეობს. თავდამსხმელი ამ დრომდე იძებნება.

ავტორი: ,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები