2018-04-12 16:50:43, 1849 ნახვა
სამართალი
შსს-მ თამაზ ელიზბარაშვილთან დაკავშირებით ძალადობის ფაქტზე გამოძიება დაიწყო
შინაგან საქმეთა სამინისტრომ ძაღლების გადარჩენისა და დაცვის ასოციაციის ხელმძღვანელ თამაზ ელიზბარაშვილთან დაკავშირებით ძალადობის ფაქტზე, სსკ-ს 126-ე მუხლის პირველი ნაწილით, გამოძიება დაიწყო.
„გამოძიებას საფუძვლად დაედო მიმდინარე წლის 11 აპრილს მედიით გავრცელებული ვიდეომასალა, სადაც ძაღლების გადარჩენისა და დაცვის ასოციაციის ხელმძღვანელი - თ.ე. თავის თანამშრომელს - ბ.ე.-ს სიტყვიერ და ფიზიკურ შეურაცხყოფას აყენებს“,-აცხადებენ შსს-ში.
აღნიშნული მუხლით გათვალისწინებული დანაშაულებრივი ქმედება ჯარიმას ან 1 წლამდე ვადით თავისუფლების აღკვეთას ითვალისწინებს.
![]()
ავტორი: ,
epn.ge (@expressnews.ge)
