ხორავას ქუჩაზე მოზარდების მკვლელობის საქმის პროკურორის ზვიად ფხაკაძის განცხადებით, მოწმემ, რომლის ტანსაცმელზეც ერთ-ერთი გარდაცვლილის სისხლი აღმოჩნდა, სასამართლოში არა ერთხელ დაადასტურა, რომ მას გარდაცვლილთან მჭიდრო კონტაქტი ჰქონდა.

პროკურორის თქმით, ინფორმაციის გავრცელება, რომლის თანახმადაც მოწმეს გარდაცვლილთან კონტაქტი არ ჰქონია, საზოგადოების შეცდომაში შეყვანას ემსახურება.

"სრული პასუხისმგებლობით ვაცხადებ - მოწმემ, რომლის ტანსაცმელზევ ამოვიდა ერთ-ერთი გარდაცვლილის, დნმ-ის შემადგენლობა, ანუ სისხლი, მას უშუალოდ, პირადად კონტაქტი ჰქონდა ამ გარდაცვლილთან. რაც შეეხება იმ ვერსიას, რომ მას არ ჰქონია კონტაქტი გარდაცვლილთან, ეს რეალობას არ შეესაბამება. ეს არის საზოგადოებისთვის არასწორი ინფორმაციის მიწოდების მცდელობა", - განაცხადა ზვიად ფხაკაძემ.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა.

ავტორი: ,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები