„პუტინს არ სჯერა სიყვარულის ან პატივისცემის, მას მხოლოდ შიშის სჯერა“, - ამის შესახებ,  საქართველოს ყოფილმა პრეზიდენტმა მიხეილ სააკაშვილმა Sky News-სთვის მიცემულ ინტერვიუში განაცხადა.

სააკაშვილის თქმით, ის ერთადერთი ადამიანია, ვინც პუტინმა საჯაროდ მოკლა, თუმცა მაინც ცოცხალია, რადგან სხვებზე მეტად გაუმართლა.

„პუტინს მიაჩნია, რომ მას ყველას და ყველაფრით მანიპულირება შეუძლია. ის მიიჩნევს, რომ მსოფლიო ცინიკური ადგილია და ყველას ყიდვა შეიძლება. მას აქვს ეს უპირატესობა, ვინაიდან ის ყოველთვის ხელისუფლებაშია. დასავლელი ლიდერები იცვლებიან, ხოლო ვლადიმერ პუტინი არა. მას შეუძლია ჰქონდეს გრძელვადიანი გეგმები. გაიხსენეთ, ის არის ადამიანი, რომელიც შემპირდა, რომ ერთი ადგილით ჩამომკიდებდა. მე ფაქტობრივად ერთადერთი ადამიანი ვარ, ვინც პუტინმა საჯაროდ მოკლა, მაგრამ მაინც ცოცხალი ვარ. უფრო გამიმართლა, ვიდრე სხვებს“, - აღნიშნა  მიხეილ სააკაშვილმა.

სააკაშვილმა დასავლეთის ქვეყნებს რუსეთის წინააღმდეგ ერთიანი ქმედებებისკენ მოუწოდა და აღნიშნა,  რომ კრემლის ერთადერთი მიზანი მსოფლიოში შიშის დანერგვაა.

მისი თქმით, პუტინის პირდაპირი ბრძანების გარეშე სერგეი სკრიპალზე თავდასხმა არ მოხდებოდა.

„ვლადიმერ პუტინმა არაერთხელ გადაკვეთა წითელი ხაზი. სოლსბერიში მომხდარი თავდასხმის დროს რუსეთს უნდოდა მთელ მსოფლიოს, მათ შორის რუსეთის მოსახლეობას სცოდნოდა, რომ ეს მათი ქმედებაა. კრემლში სურთ მათი ეშინოდეთ,პუტინს არ სჯერა სიყვარულის ან პატივისცემის, პუტინს მხოლოდ შიშის სჯერა. სტალინის ეპოქის შემდეგ, მსგავსი ქმედებების განხორციელებისთვის ნებართვას მხოლოდ უმაღლესი ლიდერები გასცემენ. პუტინის პირდაპირი ბრძანების გარეშე ეს არ მოხდებოდა. ვფიქრობ, რუსეთს ეგონა, რომ ბრიტანეთისა და ამერიკის რეაქცია არ იქნებოდა ასეთი მკაცრი, თუმცა ტერეზა მეის მომხდარზე რეაგირება ძლიერი და შთამბეჭდავი იყო. ახლა უნდა მოხდეს დასავლეთის გაერთიანება და იმის დამტკიცება რომ დამნაშავე საბოლოოდ პასუხს აგებს“, - განაცხადა მიხეილ სააკაშვილმა. 

ავტორი: ,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა