2018-03-15 14:26:10, 2436 ნახვა
მსოფლიო
ლავროვი: რუსეთი ბრიტანელ დიპლომატებს ქვეყნიდან გააძევებს
რუსეთის საგარეო საქმეთა მინისტრის სერგეი ლავროვის განცხადებით, მოსკოვი ძალიან მალე ბრიტანელ დიპლომატებს გააძევებს. ინფორმაციას "რია ნოვოსტი" ავრცელებს.
"მოსკოვი ბრიტანელების ქმედებების საპასუხოდ ქვეყნიდან მათ დიპლომატებს გააძევებს", - განაცხადა ლავროვმა.
სკრიპალის საქმეს რუსეთის პრეზიდენტი ვლადიმერ პუტინიც გამოეხმაურა და ბრიტანელებს ურჩია ყოფილი ჯაშუშის მოწამვლის ინციდენტში ჯერ თავად გაერკვნენ.
დღეს პრესკონფერენცია რუსეთის საგარეო უწყების პრესმდივანმა მარია ზახაროვამ გამართა და განაცხადა, რომ ბრიტანეთისგან სკრიპალის საქმის გამოძიების მასალებს ითხოვდა, თუმცა აღნიშნული მასალები მოსკოვს არ გადასცეს. ზახაროვამ ლონდონის ქმედებებს "ინფორმაციულ-პოლიტიკური შოუ" უწოდა.
![]()
ავტორი: ,
epn.ge (@expressnews.ge)
