2018-03-12 14:59:04, 2594 ნახვა
მსოფლიო
კატმანდუს საერთაშორისო აეროპორტთან თვითმფრინავი ჩამოვარდა
ნეპალში, კატმანდუს საერთაშორისო აეროპორტის სიახლოვეს ბანგლადეშური კერძო ავიაკომპანიის US-Bangla-ს თვითმფრინავმა კატასტროფა განიცადა.
„რია ნოვოსტის“ ცნობით, თვითმფრინავი დაშვებისას ასაფრენ ბილიკზე ვერ დაჯდა და აეროპორტის სიახლოვეს არსებულ ფეხბურთის მოედანზე ჩამოვარდა. ჩამოვარდნიდან მალევე კი თვითმფრინავს ცეცხლი გაუჩნდა.
წინასწარი მონაცემებით, თვითმფრინავიდან 17 ადამიანის ევაკუაცია მოხერხდა. ისინი საავადმყოფოში გადაიყვანეს. მსხვერპლის შესახებ ინფორმაცია ჯერ არ ვრცელდება.
აეროპორტის ხელმძღვანელობაში ამბობენ, რომ თვითმფრინავის ჩამოვარდნის მიზეზი შესაძლოა, ტექნიკური გაუმართაობა გახდა.
![]()
ავტორი: ,
epn.ge (@expressnews.ge)
