ესპანეთის რამდენიმე ქალაქში ქალთა მიმართ ძალადობის წინააღმდეგ აქციები გამართეს

2018-03-08 17:54:12, 2476 ნახვა

მსოფლიო

ესპანეთის რამდენიმე ქალაქში ქალთა საერთაშორისო დღე ქალთა მიმართ ძალადობის საწინააღმდეგო აქციებით აღინიშნა.

აქციების ფარგლებში ათამდე პროფკავშირი გაიფიცა, მათ შორის მადრიდის ატოჩას სადგურის თანამშრომლებიც. პროტესტის ნიშნად ესპანეთის ტერიტორიაზე 300-მდე მატარებელი 24 საათის განმავლობაში მოძრაობას შეწყვეტს.

მადრიდში დაგეგმილ ფართომასშტაბიან აქციას, მსახიობი პენელოპა კრუსიც შეუერთდა. ესპანელმა ვარსკვლავმა ოჯახში ძალადობა გააპროტესტა.

ესპანეთში ქალთა უფლებადამცველი ორგანიზაციები გენდერული უთანასწორობის ერთ-ერთ პრობლემად სამსახურში ყოველთვიურ ანაზღაურებაში გენდერული ნიშნით განსაზღვრულ სხვაობას ასახელებენ.

Eurostat-ის ინფორმაციით, ესპანეთის კერძო სექტორში დასაქმებულ ქალებს მათ კაც კოლეგებზე, სულ მცირე, 13%-ით დაბალი ანაზღაურება აქვთ.

ქალთა დღეს იტალიაშიც საპროტესტო აქციით შეხვდნენ. რომსა და მილანში ფართომასშტაბიანი აქცია ქალთა მიმართ ძალადობის წინააღმდეგ გუშინ გვიან ღამით დაიწყო და დღის ბოლომდე გაგრძელდება.

ევროკავშირის ქვეყნებს შორის იტალია ერთ-ერთია, სადაც ფემიციდისა და ქალთა მიმართ ძალადობის შემთხვევების ერთ-ერთი ყველაზე მაღალი მაჩვენებელი ფიქსირდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები