პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, ხელისუფლება ყველა ბერკეტს იყენებს, რათა არჩილ ტატუნაშვილის ცხედრის გადმოსვენება უმოკლეს დროში მოხდეს.

დეპუტატს აქვს მოლოდინი, რომ ცხედარი ოჯახს უახლოეს ხანებში გადაეცემა:

„ხელისუფლება აბსოლუტურად ყველაფერს აკეთებს და ყველა მექანიზმს იყენებს იმისათვის, რომ რაც შეიძლება დროულად მოხდეს ცხედრის გადმოსვენება. ჩვენ  გვაქვს მოლოდინი, რომ ეს უახლოეს ხანებში მოხდება.ჩართულია მათ შორის წითელი ჯვრის საზოგადოება, ამისათვის მას დიდი მადლობა“,-განაცხადა სესიაშვილმა.

რაც შეეხება ოპოზიციის მიერ მომზადებულ რეზოლუციას და ე.წ. ოთხოზორიას სიის შექმნის ინიციატივას, სესიაშვილის შეფასებით, ოკუპაციასთან დაკავშირებული თემების თაობაზე ყველას ინტერესი საერთოა და ამბობს, რომ  სესიის ფარგლებში ოპიოზიის წინადადებაზეც იმსჯელებენ:

„ყველას საერთო ინტერესია, რომ  მოხდეს ამ ფაქტების დაგმობა და არა მარტო შეფასება მოხდეს,არამედ კონკრეტული  ნაბიჯები დაიგეგმოს, რაც ჩვენ რეზოლუციაში ასახულია. ვიმეორებ, აქ გვამოძრავებს ყველას საერთო ინტერესები, ამიტომ სესიის ფარგლებში ვიმსჯელებთ მათ შორის ოპიოზიციის წინადადებაზე“,-აღნიშნა სესიაშვილმა.

„ევროპული საქართველოს“ ინიციატივა გულისხმობს ხელისუფლების მიერ ე.წ. ოთხოზორიას სიის შექმნას.

სერგი კაპანაძის განმარტებით, ხელისუფლებამ ამ სიაში უნდა შიყვანოს ის ადამიანები, ვინც პირდაპირ არიან დამნაშავე და ვინც ფარავს ასეთი ტიპის  დანაშაულებს.

ავტორი: ,

სოციალური ქსელები

ევროპარლამენტი ევროკავშირში VPN-ების შეზღუდვას განიხილავს

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას