საპარლამენტო უმრავლესობის წევრის ნუკრი ქანთარიას განცხადებით, საზოგადოებრივ მაუწყებელთან დაკავშირებული საკითხი სხვა კატეგორიაშია აყვანილი და სცდება რეალურად სამსჯელო თემას.

ქანთარიას შეფასებით, პროცესი პოლიტიკურ-პირად ინტერესებში გადაიზარდა, რაშიც მას მონაწილეობის მიღება არ სურს:

„მემგონი,  ჩვენ ყველანი გავედით პროცესიდან და ვფიქრობ, შეცდომა დავუშვით, როდესაც თვითონ პროცესში ეს საკითხი ავიყვანეთ სხვა კატეგორიაში, აბსოლუტურად გაზვიადებულია როგორც პრეზიდენტის მხრიდან, ჩვენც შევყევით ამ პროცესს და ეს გადაიზარდა პოლიტიკურ პირად ინტერესებში უფრო, ვიდრე მართლა გვაღელვებდეს მედიის საქმე.მე შორს ვარ იმისგან, რომ თუ ეს კანონი მიღებული იქნება, არიქა დაიხურება დამოუკიდებელი  ტელეკომპანიები, ვინ რამდენს მოიგებს, ვინ წააგებს, დათვლაში და ბუღალტერიაში არ არის მემგონი საქმე. აქ უნდა ყოფილიყო პოზიციებზე საქმე, რომ საზოგადოებრივი მაუწყებელი შევიდეს თუარა იმ ფერხულში, რასაც ჰქვია სხვა კერძო ტელემაუწყებლები, საზოგადოებრივი მაუწყებელი უნდა დარჩეს სხვა მაღალ სიმაღლეზე, როგორც თავისი ნიშის მფლობელი, რომ მას  გასაყოფი და წასართმევი არავისთან არაფერი  აქვს და არ უნდა ჰქონდეს. არც კონკურენციაში, ის უნდა იყოს ჩვენი ყოფის, ისტორიის გამცოცხლებელი,ეროვნული ცნობიერების გამღვივებელი.თუ გასაჯიბრებელია,  ის უნდა გაეჯიბროს სხვა ტელეკომპანიებს, BBC-ის  და ა.შ.  მეჩვენება, რომ ჩვენ ახლა სრულიად სხვა სიბრტყეში ვიმყოფებით, რაშიც მე მონაწილეობა არ მინდა მივიღო“,-განაცხადა ნუკრი ქანთარიამ პარლამენტში „მაუწყებლობის შესახებ“ კანონზე პრეზიდენტის ვეტოს განხილვისას.

ავტორი: ,

სოციალური ქსელები

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები

პაპუაშვილი – გუშინდელი ინტერვიუ იყო საუკეთესო ვიზუალიზაცია, რომ ევროკავშირი, ამ შემთხვევაში წამყვანის სახით, საუბრობს ბრალდებებით