თურქეთის პრეზიდენტმა რეჯეფ ტაიფ ერდოღანმა ამერიკის შეერთებული შტატების მოქმედ პრეზიდენტ დონალდ ტრამპსა და ექს პრეზიდენტ ბარაკ ობამას მატყუარები უწოდა, - ამის შესახებ Hurriyetdailynews იუწყება.

როგორც ერდოღანმა აღნიშნა, ოფიციალური ვაშინგტონი არ ასრულებს დაპირებას, რომლის თანახმად ქურთულ სამხედრო ჯგუფებს ქალაქ მანბიჯიდან გასვლას აიძულებდა.

"აშშ-ს ყოფილმა პრეზიდენტმა ბარაქ ობამამ მოატყუა თურქეთი სირიაში, მემბიჯის რეგიონში ქურთ მებრძოლებთან დაკავშირებით და ახლანდელი პრეზიდენტი დონალდ ტრამპი იგივე კვალს მიყვება. ტრამპმა გვითხრა, რომ მათ იქ დარჩენა არ შეუძლიათ და ევფრატის აღმოსავლეთით გადაინაცვლებდნენ. მაგრამ რასაც დაგვპირდა, არ შესრულდა“, - განაცხადა თურქეთის პრეზიდენტმა.

ერდოღანმა ასევე აღნიშნა, რომ თურქეთში ბევრი ლტოლვილია, რომლებსაც მანბიჯში, საკუთარ სახლებში დაბრუნება სურთ. მისივე ინფორმაციით, სამხედრო ოპერაცია, რომელსაც თურქეთი აფრინში ატარებს, შესაძლოა მანბიჯზეც გავრცელდეს.

ერდოღანის თქმით, ქურთულმა დაჯგუფებამ „სახალხო თავდაცვის ძალები“ აშშ-ზე იმედები არ უნდა დაამყარონ.

„თქვენ ვერ შეებრძოლებით თურქეთს იმის იმედით, რომ აშშ მხარს დაგიჭერთ. ეს უნდა იცოდეთ!“, - აღნიშნა ერდოღანმა.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს