პარლამენტის ადამიანის უფლებათა დაცვის კომიტეტის თავმჯდომარე სოფო კილაძე იმედოვნებს, რომ მიიღებენ ისეთ ნარკოპოლიტიკას, რომელიც საზოგადოებისთვის, ეკლესიისა და საპატრიარქოსთვის მისაღები იქნება.

ამის შესახებ კილაძემ იუსტიციის სამინისტროში განაცხადა, სადაც ნარკომანიის წინააღმდეგ ბრძოლის უწყებათაშორისი საკოორდინაციო საბჭოს სხდომა მიმდინარეობს.

„მთავარი მიზანი, ახალი ნარკოპოლიტიკის შემუშავებაა, რომელიც დააბალანსებს სხვადასხვა მიმართულებებს ნარკოპოლიტიკის კუთხით. ამაზე დიდი ხანია მუშაობა მიმდინარეობს, მაგრამ იმდენად რთული საკითხია, ჯერჯერობით კონსენსუსის მიღწევა გაჭირდა. იმედი მაქვს, რომ აქტიური მუშაობის შედეგად მივიღებთ ისეთ ნარკოპოლიტიკას, რომელიც მისაღები იქნება როგორც საზოგადოების სხვადასხვა ჯგუფისთვის, ასევე, რა თქმა უნდა ჩვენი ეკლესიისთვის და პატრიარქისთვის“, - განაცხადა სოფიო კილაძემ.

ცნობისთვის, იუსტიციის სამინისტროში ნარკომანიის წინააღმდეგ ბრძოლის უწყებათაშორისი საკოორდინაციო საბჭოს სხდომა მიმდინარეობს. სხდომას იუსტიციის მინისტრი თეა წულუკიანი უძღვება. შეხვედრაზე იმყოფებიან შს მინისტრი გიორგი გახარია, ასევე პარლამენტის დეპუტატები და არასამთავრობო ორგანიზაციების წარმომადგენლები. 

ავტორი: ,

სოციალური ქსელები

ტრამპმა განაცხადა, რომ მზადაა, მიიღოს კონგრესის არჩევნების შედეგები და ითანამშრომლოს დემოკრატებთან

უკრაინულმა დრონებმა სამხრეთ რუსეთში მდებარე Ozon-ის დიდ საწყობს დაარტყა

შეერთებული შტატების კონგრესის ქვედა პალატა დემოკრატების ხელში გადადის, ისინი ყველა კომიტეტზე კონტროლს ამყარებენ

დემოკრატებმა გაიმარჯვეს წარმომადგენელთა პალატისა და სენატის არჩევნებში და მოიპოვეს კონტროლი აშშ-ის კონგრესზე