ბრიუსელში პოლიციის გაძლიერებულ პატრულზე 40 მიგრანტის თავდასხმის შედეგად ორი ბელგიელი პოლიციელი დაიჭრა, - ამის შესახებ Tass იუწყება.

მედია საშუალების ინფორმაციით, პოლიციამ მომხდარის შემდეგ 16 ადამიანი დააკავა. დაკავებულები - სუდანიდან და ეთიოპიიდან არიან.

მედიის ცნობით, ექვსი პოლიციელისგან შემდგარმა ჯგუფმა რამდენიმე საეჭვო პირი შენიშნა, რომლებიც ავტოსადგომზე გაჩერებულ ერთ-ერთ სატვირთო ავტომობილში შეღწევას ცდილობდნენ. მოგვიანებით გაირკვა, რომ სატვირთო ავტომობილი დიდ ბრიტანეთში მიემართებოდა.

სააგენტო წერს, რომ პოლიციელები შემთხვევის ადგილის დასათვალიერებლად გაჩერდნენ, რა დროსაც მათ ტყიდან გამოსული, რკინის ხელკეტებით შეიარაღებული 40 მიგრანტი დაესხათ თავს.

სამართალდამცველები თავს რეზინის ხელკეტებით და ცრემლსადენი გაზით იცავდნენ. პოლიციელებმა გამაფრთხილებელი გასროლა განახორციელეს. ამის შემდეგ მიგრანტები ტყეში მიიმალნენ.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს