თბილისის მერიის ყოფილმა მაღალჩინოსანმა, ოთარ აბესაძემ, წინასწარი პატიმრობიდან გათავისუფლების შემდეგ პირველი კომენტარი გააკეთა.

როგორც აბესაძემ ჟურნალისტებს განუცხადა, ის სასამართლოს მიერ დაკისრებული ყველა ვალდებულების შესრულებას აპირებს. მან საზოგადოებას მხარდაჭერისთვის მადლობა გადაუხადა და შექმნილი ვითარებისთვის ბოდიში მოიხადა.

"მინდა ძალიან დიდი მადლობა გადავუხადო აბსოლუტურად ყველა იმ ადამიანს რომლებმაც ასეთი სოლიდარობა გამოიჩინეს ჩემს მიმართ. ასევე მინდა ძალიან დიდი ბოდიში მოვუხადო ყველას, ამ შექმნილი ვითარების გამო, ამ უხერხულობისთვის და მდგომარეობისთვის. ზედმიწევნით ვაპირებ აბსოლუტურად ყველაფერი შევასრულო რაც ამ ეტაპზე სასამართლომ დამაკისრა. გაგრძელდება პროცესები და თქვენც ყველაფერს დააკვირდებით. დანარჩენზე ჩემი უფლებადამცველები ისაუბრებენ", - განაცხადა ოთარ აბესაძემ.

თბილისის მერიის ყოფილი თანამშრომელი ოთარ აბესაძე სასამართლო დარბაზიდან გაათავისუფლეს. მოსამართლემ აღვკეთის ღონისძიება - პატიმრობა, მას 10 000-ლარიანი გირაოთი შეუცვალა. თბილისის მერიის ყოფილმა მაღალჩინოსანმა საქალაქო სასამართლო ოჯახის წევრებთან ერთად დატოვა. აბესაძე 2017 წლის 12 ივლისს ქრთამის აღების ფაქტზე დააკავეს.

გამოძიება სსკ-ის 338-ე მუხლის პირველი ნაწილით გათვალისწინებული დანაშაულის ნიშნებით მიმდინარეობს, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.

ავტორი: ,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო