რუსეთის ცენტრალურმა საარჩევნო კომისიამ ქვეყნის პრეზიდენტის ვლადიმერ პუტინის ნდობით აღჭურვილი 259 პირი დაარეგისტრირა, რომელთა შორის ცნობილი ქართველებიც არიან - ამის შესახებ Rbc.ru იუწყება.

მედია საშუალების ინფორმაციით, პუტინის ნდობით აღჭურვილი პირების სიაში მოხვდნენ: ექიმი ლეო ბოკერია, ბალეტის მოცეკვავე ნიკოლოზ ცისკარიძე, მომღერალი დიანა ღურწკაია, ტელეწამყვანები ლეონიდ იაკუბოვიჩი და ალექსანდრე მასლიაკოვი, მომღერალი ლევ ლეშჩენკო, მსახიობი მიხეილ ბოიარსკი, მუსიკოსი იგორ კრუტოი და სხვები.

მედიის ცნობით, სიაში მოხვედრილი ადამიანების ნაწილი ნდობით აღჭურვილ პირებად 2012 წელსაც დარეგისტრირდნენ.

პუტინის საარჩევნო შტაბის თანათავმჯდომარის ელენა შმელევას ინფორმაციით, ნდობით აღჭურვილი პირების რიცხვი გაიზრდება. სულ 600 კანდიდატი განიხილება.

შეგახსენებთ, რომ რუსეთში საპრეზიდენტო არჩევნები 2018 წლის 18 მარტს არის დაგეგმილი.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს