საქართველოს მესამე პრეზიდენტმა მიხეილ სააკაშვილმა უკრაინის სახელმწიფო საიმიგრაციო სამსახურის წინააღმდეგ მორიგი სარჩელი შეიტანა, - ამის შესახებ Strana იუწყება.

მედია საშუალების ინფორმაციით, ოდესის ყოფილი გუბერნატორი ითხოვს, რომ ის აღიარონ როგორც პირი, რომელსაც დამატებითი დაცვა სჭირდება.

"16 იანვარს სააკაშვილის სარჩელზე უკრაინის სახელმწიფო საიმიგრაციო სამსახურის წინააღმდეგ სასამართლო სხდომა გაიმართება. საქმეზე მეორე მოპასუხე უკრაინის სახელმწიფო საიმიგრაციო სამსახურის კიევის ოლქის სამმართველო იქნება“, - ნათქვამია განცხადებაში.

გარდა ამისა, სააკაშვილი ითხოვს, რომ ქვეყნის გენერალურმა პროკურატურამ გადასცეს იმ მასალების ასლები, რომლებიც მისი ექსტრადირების საკითხს ეხება.

შეგახსენებთ, რომ ყოფილი პრეზიდენტი გუშინ უკრაინის უსაფრთხოების სამსახურში დაკითხვაზე იმყოფებოდა. სააკაშვილი უწყებაში თითქმის 3 საათის განმავლობაში იკითხებოდა. მოგვიანებით, ყოფილმა გუბერნატორმა უკრაინის მასშტაბით ტურნეს დაწყება დააანონსა.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს