სკანდალური წიგნი ამერიკის შეერთებული შტატების პრეზიდენტის დონალდ ტრამპის შესახებ დღეს გამოვა, - ამის შესახებ BBC იუწყება.

მედია საშუალების ინფორმაციით, წიგნი "ცეცხლი და მრისხანება ტრამპის თეთრ სახლში" ჟურნალისტმა მაიკლ უოლფმა დაწერა.

მედიის ცნობით, პრეზიდენტის ადვოკატები წიგნის გამოცემის ჩაშლას ცდილობდნენ.

როგორც ამერიკული და ბრიტანული მედია წერს, წიგნში ტრამპის პრეზიდენტობის სენსაციური დეტალებია თავმოყრილი.

წიგნში საუბარია ისეთ დეტალებზე, როგორიცაა ტრამპის შიში პრეზიდენტობის წინ, მისი ქალიშვილის ივანკა ტრამპის საუბრები მამის ვარცხნილობაზე, თეთრი სახლის ყოფილი მთავარი სტრატეგის სტივ ბენონის ინტერვიუ და სხვა სენსაციური ფაქტები. წინგი 200 ინტერვიუს საფუძველზე დაიწერა.

წიგნის გამოსვლას თავად ტრამპი უკვე გამოეხმაურა. თეთრი სახლის მეთაურმა Twitter-ის საკუთარ გვერდზე ჟურნალისტი და წიგნის ავტორი ცილისწამებაში დაადანაშაულა.

„მე ამ ცილისმწამებლური წიგნის ავტორს თეთრ სახლში შესვლა ავუკრძალე. მასთან ამ წიგნის შესახებ არასოდეს მილაპარაკია. ეს გამოცემა ტყუილით, დამახინჯებული და არარსებული მასალებითაა სავსე", - წერს დონალდ ტრამპი.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს