პანკისის ხეობის ჩეჩნური დიასპორის წარმომადგენლის მექა ხანგოშვილის განცხადებით, სახელმწიფო უსაფრთხოების სამსახურის მიერ დასახელებული პირები, რომლებიც წითელი ცირკულარით იძებნებოდნენ, დაახლოებით 2 წლის განმავლობაში საქართველოში ცხოვრობდნენ.

როგორც ხანგოშვილმა "რუსთავი 2"-ის ეთერში განაცხადა, ტერორიზმში ეჭვმიტანილი პირები საქართველოს ტერიტორიაზე ლეგალურად იმყოფებოდნენ.

„პირადად მე ამ კადრებმა არაფერი არ მომცა. არანაირი რეალური მტკიცებულება აქ არ არის. იბრაგიმ ადაშევი და ჩატაევის თანამებრძოლები ორი წლის განმავლობაში შემოდიოდნენ საქართველოში ლეგალური გზით. როგორც ტურისტი აცნობდნენ თავს, პანკისის ხეობაში ბევრჯერ იყვნენ და ასე შემდეგ, ანუ, თავისუფლად გადაადგილდებოდნენ საქართველოს მხარეში. ამ ადამიანებთან ნებისმიერ ადამიანს, მათ შორის მეც, ჩემს კართან, რომ მოსულიყვნენ და დაეკაკუნებინათ, მათ შუბლზე არ აწერიათ რომ ინტერპოლით არიან ძებნილები და ტერორიზმში თანამონაწილე, თუ მართლა ასეთები იყვნენ სახელმწიფოს უსაფრთხოების ზომები უნდა დაეცვა და ისინი ქვეყანაში არ უნდა შემოეშვა“, - განაცხადა მექა ხანგოშვილმა.

ამასთან, პანკისის ხეობის უხუცესების ნაწილი სახელმწიფო უსაფრთხოების სამსახურის მიერ გავრცელებულ კადრებს უნდობლობას უცხადებენ.

"ეს არის დადგმული და შეთითხნილი ამბავი. ტყეში გვაჩვენეს წაქცეული ხე იყო - აი აქ ამოვიღეთ დამარხული იარაღიო. ამას პანკისის ხეობაში არავინ დაიჯერებს. ვერ დავიჯერებთ რომ ძალოვნებმა იმის გამო ესროლეს, რომ თვითონაც აპირებდა სროლასო. ტელეფონით ელაპარაკებოდა მეგობარს და მაგ დროს შევარდნენ ოთახში. ტელეფონი დაინახეს და ალბათ ყუმბარა ეგონათ. ეგ სპეცრაზმელი არ უნდა მუშაობდეს უწყებაში რადგან ჩანს რომ მკვლელია", - განაცხადა უხუცესთა საბჭოს წევრმა პლატონ გუნაშაშვილმა.

ავტორი: ,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო