თბილისის სასამართლოს გადაწყვეტილება ყოფილ პრეზიდენტ მიხეილ სააკაშვილთან დაკავშირებით ყველა იურიდიულ საშუალებას იძლევა, რომ საქართველოში მისი დეპორტაცია მოხდეს, - ამის შესახებ უკრაინის უმაღლესი რადას დეპუტატი იგორ მოსიჩუკი Facebook-ის საკუთარ გვერდზე წერს. 

როგორც მოსიჩუკმა აღნიშნა, სააკაშვილმა სამსახურებრივი უფლებამოსილების ბოროტად გამოყენებაში სცნეს დამნაშავედ.

"ქართველი იანუკოვიჩი....თბილისის სასამართლომ მიხეილ სააკაშვილი დამნაშავედ სცნო სამსახურებრივი უფლებამოსილების ბოროტად გამოყენებაში და მას ამნისტიით, საბოლოო ჯამში 3 წლით თავისუფლების აღკვეთა მიუსაჯა. სანამ სააკაშვილი საქართველოში პრეზიდენტის პოსტს იკავებდა, მან 3 ადამიანი შეიწყალა, რომლებიც მკვლელობაში იყვნენ ბრალდებულები. ეს წმინდა სისხლის სამართლის საქმეა. სასამართლოს აღნიშნული გადაწყვეტილება ყველა იურიდიულ საშუალებას იძლევა, რომ სააკაშვილის დეპორტაცია უმალვე განხორციელდეს", - წერს დეპუტატი.

ცნობისთვის, მიხეილ სააკაშვილს გირგვლიანის საქმეზე 3 წლით თავისუფლების აღკვეთა შეეფარდა.

ავტორი: ,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო