რომის პაპმა ფრანცისკემ საშობაო მესის დროს მიგრანტებზე ისაუბრა და ისინი წმინდა მარიამსა და იოსებს შეადარა, - ამის შესახებ BBC იუწყება. 

პონტიფიკოსის განმარტებით, წმინდა მარიამი და იოსები ნაზარეთიდან ბეთლემში ჩასულები დასარჩენ ადგილს ვერ პოულობდნენ. პაპმა აღნიშნა, რომ რწმენა ადამიანებს ავალდებულებს, უცხოელებს კარი გაუღონ.

„დღეს იოსებისა და მარიამის გზას გადის მრავალი სხვა ადამიანი. ვხედავთ ოჯახებს, რომლებსაც არ აურჩევიათ სხვაგან წასვლა. ისინი აიძულეს, დაეტოვებინათ საკუთარი მიწა, ძვირფასი ადამიანები“, - განაცხადა ფრანცისკემ.

პონტიფიკოსის თქმით, მწყემსებიც კი, რომლებმაც პირველებმა იხილეს ჩვილი იესო, „ბინძურ უცხოელებად“ მიიჩნეოდნენ და ისინი საზოგადოებამ გარიყა.

რომის პაპი ფრანცისკე შობის დღესასწაულის დადგომასთან დაკავშირებით, ვატიკანში საშობაო წირვას აღავლენს.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს