კატალონიაში რიგგარეშე საპარლამენტო არჩევნებში რეგიონის დამოუკიდებლობის მომხრეებმა გაიმარჯვეს.

ხმების 99%-ის დათვლის შემდეგ უკვე ცნობილია, რომ 135 ადგილიან საკანონმდებლო ორგანოში სეპარატისტულ ძალთა კოალიციას 70 ადგილი ექნება.

გაერთიანებამ "ერთად კატალონიისთვის", რომლის პირველი ნიმერი რეგიონის ყოფილი ლიდერი კარლეს პუჩდემონია, 34 მანდატი, ხოლო პარტიამ "მოქალაქეები", რომელიც რეგიონის ესპანეთის შემადგენლობაში დარჩერნის მომხრეა, 37 მანდატი მოიპოვა. 

კარლეს პუჩდემონი მოვლენებს ბელგიიდან გამოეხმაურა და არჩევნების შედეგებს კატალონიის გამარჯვება უწოდა.

„არჩევნებში გაიმარჯვა კატალონიის რესპუბლიკამ, რაც სახეში სილის გაწნაა ესპანეთის პრემიერ-მინისტრის, მარიანო რახოისთვის. ვფიქრობ, რომ ჩვენ უნდა მოგვისმინონ“, - განაცხადა ბრიუსელში მყოფმა კარლეს პუჩდემონმა.

2 ნოემბერს ესპანეთის სასამართლომ კატალონიის მთავრობის 8 ყოფილ მაღალჩინოსანს პატიმრობა შეუფარდა. მათ ბრალი ამბოხსა და საბიუჯეტო სახსრების გაფლანგვაში ედებათ. 8 ნოემბერს ესპანეთის საკონსტიტიუციო სასამართლომ კატალონიის პარლამენტის მიერ 27 ოქტომბერს მიღებული დამოუკიდებლობის რეზოლუცია უკანონოდ ცნო. დამოუკიდებლობის გამოცხადებიდან ერთ საათში, ესპანეთის სენატმა კონსტიტუციის 155-ე აამოქმედა, რაც ბარსელონის ხელისუფლების მადრიდზე დაქვემდებარებას და რეგიონის ავტონომიის გაუქმებას გულისხმობს.

ავტორი: ,

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს