აშშ-ის ვიცე-პრეზიდენტი დაუგეგმავი ვიზიტით ავღანეთში ჩავიდა

2017-12-22 10:44:55, 2366 ნახვა

მსოფლიო

აშშ-ის ვიცე-პრეზიდენტი, მაიკ პენსი დაუგეგმავი ვიზიტით ავღანეთს ეწვია. ინფორმაციას CNN-ი ავრცელებს.

მაიკ პენსმა სიტყვით გამოსვლისას ავღანეთში მებრძოლ ამერიკელ სამხედროებს მიმართა და უთხრა, რომ ისინი ამ ომში საბოლოო გამარჯვებამდე დარჩებიან.

„ამერიკელი სამხედროები ავღანეთში მანამდე დარჩებიან, ვიდრე ტერორიზმის საფრთხე ბოლომდე არ აღმოიფხვრება,“ –განაცხადა მაიკ პენსმა.

მედიის ცნობით, აშშ-ის ვიცე-პრეზიდენტი ავღანეთის მთავრობის წევრებსაც შეხვდა.
აგვისტოში დონალდ ტრამპმა ავღანეთში აშშ-ის სამოქმედო გეგმის ახალი სტრატეგიის შესახებ განაცხადა. მან არ გააჟღერა ამ სტრატეგიის საომარი ასპექტები, თუმცა აღნიშნა, რომ ავღანეთიდან ამერიკული სამხედრო შენაერთების გამოყვანის პროცესი სწრაფად არ წარიმართებოდა. ავღანეთში ამ დროისთვის 14 000 ამერიკელი ჯარისკაცი იმყოფება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები