„ტარას შავშიშვილმა დაკითხვის აღნიშნა, რომ გიორგი მამალაძემ მას უთხრა, შორენა თეთრუაშვილი ხომ არაფერს „უჩალიჩებდა“, რადგან უცნაური თხოვნა ჰქონდა მასთან, რომელიც სასულიერო პირის მდგომარეობიდან და მისი შესაძლებლობიდან არ გამომდინარეობდა“, - ამის შესახებ ჟურნალისტებს ადვოკატმა პაატა მეხრიშვილმა დეკანოზის მეგობრის, ბრალდების მხარის მოწმის, ტარას შავშვილის დაკითხვის შემდეგ განუცხადა.

მეხრიშვილის თქმით, მას არ დაუკონკრეტებია, თუ რა თხოვნა ჰქონდა შორენა თეთრუაშვილს მამა გიორგი მამალაძესთან.

„როდესაც სხვადასხვა ინფორმაციას აწვდიდა სასულიერო პირებზე ტარას შავშიშვილი პატრიარქს, პატრიარქი ეუბნებოდა, რომ მას არ ჰქონდა სასულიერო პირებზე საუბრის უფლება და ურჩევდა მიეხედა საკუთარი საქმისთვის. მოწმემ დაადასტურა, რომ დეკანოზი შორენა თეთრუაშვილს ხშირად არ ეკონტაქტებოდა, არ ესაუბრებოდა და ახდენდა მის იგნორირებას გარკვეულ საკითხებთან მიმართებაში“, - აღნიშნა პაატა მეხრიშვილმა.

ტარიელ შავშიშვილის დაკითხვა უკვე დასრულდა. მას მედიასთან კომენტარი არ გაუკეთებია. შავშიშვილი კვლავ სასამართლოში რჩება. ცოტა ხანში სოსო ოხანაშვილის „სკაიპის“ მეშვეობით დაკითხვა უნდა დაიწყოს და სამართლებრივი პროცედურის მიხედვით, ტარას შავშიშვილმა უნდა დაადასტუროს, რომ პირი, რომელიც „სკაიპით“ ჩაერთვება, ნამდვილად სოსო ოხანაშვილია. თავად ტარას შავშიშვილს საპატრიარქოს დაცვის სამსახურის უფროსის მოადგილის პოსტი ეკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო