„ევროპული საქართველოს“ წევრი, დეპუტატი ოთარ კახიძე, შსს-ს ძველი თბილისის სამმართველოში გამოკითხვის მიზნით დაიბარეს.

როგორც „ექსპრესნიუსს“ შსს-ს საზოგადოებასთან ურთიერთობის სამსახურში განუცხადეს, კახიძე სამმართველოში 15:00 საათზეა დაბარებული.

სამინისტროს ცნობით, ძველი თბილისის სამმართველოში დაიწყო ადმინისტრაციული სამართალწარმოება ადმინისტრაციული სამართალდარღვევის კოდექსის 174-ე პრიმა მუხლისა და 239-ე მუხლის მე-13 პუნქტის შესაბამისად.

„გამოკითხვის შემდეგ შედგება ოქმი რომელიც სასამართლოში იქნება წარდგენილი და სასამართლო მიიღებს გადაწყვეტილებას“, - განაცხადეს შსს-ში.

შეგახსენებთ, 23 ივლისს, აღმაშენებლის გამზირზე, სადაც „ევროპული საქართველოს“ აქცია მიმდინარეობდა, დეპუტატი ოთარ კახიძე ცეცხლსასროლი იარაღით გადაადგილდებოდა. როგორც მან მოგვიანებით განმარტა, იგი ლეგალურად ფლობს „გლოკ 19“ ტიპის პისტოლეტს და როგორც პარლამენტის წევრს, ცეცხლსასროლი იარაღის ტარების უფლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო