ე.წ. ციანიდის საქმის დღევანდელ სასამართლო პროცესზე პატრიარქის დაცვის ყოფილი უფროსი სოსო ოხანაშვილი დაიკითხება.

პროკურორ ზვიად გუბელაძის განცხადებით, ბრალდების მხარემ არაერთხელ სცადა სოსო ოხანაშვილთან დაკავშირება, თუმცა როგორც პროკურორი ამბობს, მათ ოჯახის წევრებმა განუმარტეს, რომ ოხანაშვილი სასამართლოზე ჩვენების მიცემას არ აპირებდა.

„როგორ დაიყოლია დაცვის მხარემ სოსო ოხანაშვილი ჩვენების მიცემაზე, ამაზე კითხვები ჩვენც გვაქვს. გვაქვს შეფასებები, თუ რატომ მოხდა ეს, ვისი მოწმეა რეალურად სოსო ოხანაშვილი, ამას საზოგადოება თავად დაასკვნის“, - განაცხადა გუბელაძემ.

პროკურორის ინფორმაციით, სოსო ოხანაშვილის დაკითხვა „სკაიპის“ მეშვეობით 14:00 საათზე იგეგმება. ზვიად გუბელაძე ამბობს, რომ საქმეში არის მტკიცებულებები, თუ როგორ გეგმავდნენ სოსო ოხანაშვილი და გიორგი მამალაძე სასულიერო პირების მიმართ დისკრედიტაციული სტატიების მომზადებას.

„ამასთან დაკავშირებით გვექნება შეკითხვები. ასევე გვექნება შეკითხვები გერმანიაში ყოფნის პერიოდში რა და როგორ ხდებოდა“,- აღნიშნა გუბელაძემ.

როგორც ცნობილია, დღევანდელ სასამართლო პროცესზე მხოლოდ ორი მოწმე დაიკითხება. მათი დაკითხვის შემდეგ კი, წერილობით მტკიცებულებების განხილვა დაიწყება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო