შინაგან საქმეთა სამინისტროს, ევროკავშირის მიერ დაფინანსებული პროექტის - „აღმოსავლეთ პარტნიორობის ქვეყნების პოლიციის სფეროში თანამშრომლობა“ ფარგლებში, ლიტვის რესპუბლიკის ეროვნული პოლიციის უფროსის მოადგილე, რიმანტას ბობინასი ეწვია.

ვიზიტის ფარგლებში, შეხვედრები გაიმართა შინაგან საქმეთა სამინისტროს კრიმინალური პოლიციის დეპარტამენტის, დაცვის პოლიციის, გენერალური ინსპექციის, შინაგან საქმეთა სამინისტროს აკადემიის, მომსახურების სააგენტოს წარმომადგენლებთან. რიმანტას ბობინასი მათი მუშაობის სპეციფიკას გაეცნო.

შეხვედრებზე მხარეებმა სამინისტროში ბოლო წლებში განხორციელებული რეფორმები, მიღწევები და სამომავლო გეგმები განიხილეს. სტუმარმა ქართველ სამართალდამცველებს ლიტვის ეროვნული პოლიციის სისტემის შესახებ გამოცდილება გაუზიარა.

მხარეებმა აღმოსავლეთ პარტნიორობის ქვენების პოლიციის სფეროში თანამშრომლობის მნიშვნელობასა და საქართველოსა და ლიტვის საპოლიციო უწყებებს შორის არსებული წარმატებული თანამშრომლობის გაღრმავების პერსპექტივაზე ისაუბრეს.

ევროკავშირის მიერ დაფინანსებული პროექტის - „აღმოსავლეთ პარტნიორობის ქვეყნების პოლიციის სფეროში თანამშრომლობა“ მიზანია ევროკავშირსა და აღმოსავლეთ პარტნიორობის ქვეყნებს შორის ურთიერთობის და ევროკავშირთან თანამშრომლობის გაღრმავება, სამართალდაცვით სფეროში ევროპის გამოცდილების გაზიარება, პოლიციის საკითხებში სტანდარტიზაცია და ჰარმონიზაცია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო