თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და განზრახ მკვლელობის ჩადენაში, წარსულში განსაკუთრებით მძიმე და მძიმე დანაშაულისთვის რამდენჯერმე ნასამართლევი ო.მ. სისხლის სამართლის კოდექსის 108-ე მუხლით დამნაშავედ სცნო.

პროკურატურის ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ 2017 წლის 2 მარტს, დაახლოებით 01:00 საათზე, ქ.თბილისში, ურბნისის ქუჩის მიმდებარე ტერიტორიაზე, ნასვამ მდგომარეობაში მყოფ ო.მ.- ს პირადი უთანხმოების მოტივით ურთიერთშელაპარაკება მოუხდა დ.კ.-სთან, რა დროსაც დ.კ.- მ მას სცემა.

„აღნიშნულით განაწყენებული ო.მ. შემთხვევის ადგილიდან გაიქცა, სახლიდან დანა აიღო და შურისძიების მოტივით, დ.კ.-ს განზრახ მოკვლის მიზნით უკან დაბრუნდა, რა დროსაც ამ უკანასკნელს დანით გულმკერდის, მუცლის, ზურგისა და ყელის არეში  მრავლობითი  ჭრილობა მიაყენა, შემდეგ კი შემთხვევის ადგილიდან მიიმალა. მიყენებული ჭრილობების შედეგად დ.კ. ადგილზე გარდაიცვალა.

სამართალდამცველებმა ო.მ. 3 მარტს თბილისში დააკავეს. მას ბრალდება სისხლის სამართლის კოდექსის 108-ე მუხლით (განზრახ მკვლელობა) წარედგინა და აღკვეთის ღონისძიებად პატიმრობა შეეფარდა.

თბილისის საქალაქო სასამართლომ ო.მ. სრულად სცნო დამნაშავედ წარდგენილ ბრალდებაში და სასჯელის სახედ და ზომად 10 წლით თავისუფლების აღკვეთა  განუსაზღვრა“, - ნათქვამია პროკურატურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო