ე.წ. ციანიდის საქმის პროკურორის ზვიად გუბელაძის განცხადებით, დღეს დაკითხულმა საპატრიარქოს უსაფრთხოების სამსახურის ყოფილმა თანამშრომლებმა დაადასტურეს, რომ მამა გიორგი  მამალაძე მკვეთრად უარყოფით დამოკიდებულებაში იყო შორენა თეთრუაშვილთან და მას კარიერული წინსვლის დამაბრკოლებელ გარემოებად მიიჩნევდა.

ამასთან, გუბელაძის განცხადებით,  დღეს ასევე დაიკითხნენ მოწმეები, რომლებმაც ისაუბრეს მამა გიორგი მამალაძის მერკანტილურ დამოკიდებულებაზე საპატრიარქოს კლინიკასთან დაკავშირებით.

„თუ როგორი ანგარებითი დამოკიდებულება ჰქონდა მას, როგორ გაათავისუფლებინა სპეციალურად გენერალური დირექტორი და დაიკავა მისი ადგილი, შემდეგ მისი ფინანსური სქემის მიხედვით იმ კომპანიისგან, რომელშიც თავისი მეგობარი იყო დამფუძნებელი, იღებდა ხელფასის სახით დამატებით ანაზღაურებას“,-განაცხადა ზვიად გუბელაძემ.

პროკურორი ამბობს, რომ უსაფრთხოების სამსახურის თანამშრომლებს საკმაოდ ახლო მეგობრული ურთიერთობა აქვთ ბრალდებულთან.

„ამის მიუხედავად მათ ვერ დამალეს ის ფაქტი, რომ გიორგი მამალაძე მკვეთრად უარყოფით დამოკიდებულებაში იყო შორენა თეთრუაშვილთან. მის მიმართ გამოხატავდა ცინიკურ დამოკიდებულებას და მიიჩნევდა მას კარიერული წინსვლის დამაბრკოლებელ გარემოებად“,-განაცხადა პროკურორმა.

რაც შეეხება დაცვის მხარეს, ადვოკატი გიორგი ფანცულაია ირწმუნება, რომ მამა გიორგი მამალაძემ კლინიკაში მუშაობისას ხელფასი 4-ჯერ შეიმცირა.

„მის მისვლამდე იყო 7000 ლარი გენერალური დირექტორის ხელფასი, 7000 ლარიდან 1500 ლარზე ჩამოიყვანა. სამი, ოთხჯერ შეიმცირა ხელფასი. არანაირი ფაქტით არ დასტურდება, რომ ის 3000 ლარზე აპირებდა ხელფასის აყვანას. ასეთი რამ არცერთ მოწმეს არ უთქვამს“,-განაცხადა გიორგი ფანცულაიამ.

ადვოკატის ამ განცხადებას უპასუხა პროკურორმა.

 გუბელაძის თქმით, მამა გიორგი მამალაძეს ხელფასი არ შეუმცირებია.

„ვინც დაკითხა ის  არის მისი ახლო მეგობარი, რომელმაც სამწუხაროდ ის არ იცის რომ იანვრის თვიდან მამალაძე იღებდა 3000 ლარ ხელფასს კლინიკაში მუშაობის სანაცვლოდ და არაფერი შეუმცირებია“,-განმარტა გუბელაძემ.

ე.წ. ციანიდის საქმეზე თბილისის საქალაქო სასამართლოში მომდევნო პროცესი 11 ივლისს 11:00 საათზე ჩაინიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა