პროკურორ ზვიად გუბელაძის განცხადებით, დღევანდელ სასამართლო პროცესზე დაიკითხნენ სასამართლოს ოქრომჭედლები, რომლებიც პატრიარქის ლოცვა-კურთხევით ამზადებენ ოქროს სამკაულებს.

გუბელაძის თქმით, მათ განმარტეს რომ არასდროს პრაქტიკაში არ გამოუყენებიათ არც ნატრიუმის და არც კალიუმის ციანიდი.

„შესაბამისად ბრალდებულის განმარტებები, რომ თითქოს ოქრომჭედლებისათვის სჭირდებოდა ვინმე პიროვნებას ნატრიუმის ან კალიუმის ციანიდი არ დადასტურდა. მათ თქვეს, რომ ციანიდი არასდროს გამოუყენებიათ, არაფერში სჭირდებათ. არც არავისთვის მოუთხოვიათ და არც არავის უთქვამს რომ ნატრიუმის ციანიდს მოგიტან და ოქროს რაიმე სამაჯური დაგვიმზადე", - აღნიშნა ზვიად გუბელაძემ.

ამასთან, პროკურორის თქმით, დღეს დაიკითხა შორენა თეთრუაშვილის ექიმი, რომელმაც განმარტა, რომ გველის შხამი მალამოს დასამზადებლად არასდროს გამოუყენებია.

"ბრალდებული განმარტავდა, რომ თითქოს სჭირდებოდა გველის შხამი, რათა მკურნალობა გაეწია თეთრუაშვილისთვის. დაიკითხა კონკრეტული ექიმი, რომელმაც განმარტა, რომ არასდროს გველის შხამი მედიკამენტის, მალამოს დასამზადებლად არ გამოუყენებია. არც შორენასთვის უთხოვია, რომ მოეტანა. შესაბამისად შორენა თეთრუაშვილი არ სთხოვდა ბრალდებულს, რომ გველის შხამი მიეტანა მისთვის მალამოს დასამზადებლად", - განაცხადა გუბელაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა