იუსტიციის უმაღლეს საბჭოში ახალი შემადგენლობით პირველი სხდომა მიმდინარეობს.

დღის წესრიგის მიხედვით, ერთ-ერთი ძირითადი საკითხი თბილისის საქალაქო სასამართლოს თავმჯდომარის არჩევაა.

სხდომის დაწყებამდე მედიასთან კომენტარი გააკეთა იუსტიციის უმაღლესი საბჭოს  წევრმა ნაზი ჯანეზაშვილმა.

მისი თქმით, თავად კანდიდატურის დაყენებას არ აპირებს, თუმცა კოლეგებს სასამართლოს თავმჯდომარის არჩევის პროცედურებთან დაკავშირებით, გარკვეულ წინადადებებს შესთავაზებს.

„ერთ-ერთი მნიშვნელოვანი  საკითხია საქალაქო სასამართლოს თავმჯდომარის დანიშვნა. მაქვს გარკვეული მოსაზრებები ამ საკითხთან დაკავშირებით, რომლებსაც კოლეგებს შევთავაზებ. იმ საკითხს, რომ იუსტიციის უმაღლესმა საბჭომ არ დანიშნოს საქალაქო სასამართლოს თავმჯდომარე, დღეს ვერ გადავწყვეტთ, ვინაიდან საერთო სასამართლოების შესახებ ორგანული კანონის შესაბამისად საბჭოს კომპეტენციაა სწორედ საქალაქო სასამართლოს თავმჯდომარის დანიშვნა. ამიტომ,ბუნებრივია, დღეს ვერ შევცვლით ამ პროცედურებს, თუმცა შესაძლებელია, პროცედურების გარკვეული დახვეწა მოხდეს. ვფიქრობ, გასაუბრების პროცესი გასაუმჯობესებელია და ამის შესახებ შევთავაზებ მოსაზრებებს იუსტიციის  უმაღლესი საბჭოს წევრებს“,-აღნიშნა ჯანეზაშვილმა.

 სხდომის დაწყებისას,  იუსტიციის უმაღლესი  საბჭოს ახალ შემადგენლობას  მიმართა იუსტიციის  უმაღლესი საბჭოს თავმჯდომარემ ნინო გვენეტაძემ და მათ წარმატებები უსურვა.

„ჩვენ, რა თქმა უნდა, გამჭვირვალობა გვაქვს, მაგრამ დასახვეწია მუშაობა, მეტი მოქნილობა გვჭირდება და გვჭირდება მეტი კომუნიკაცია მედიასთან“,-განაცხადა ნინო გვენეტაძემ.

დღის წესრიგით სულ 4 საკითხის განხილვაა გათვალისწინებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა