ე.წ ციანიდის საქმის პროკურორის ზვიად გუბელაძის განცხადებით, დღეს დაკითხულმა გამომძიებლებმა, რომლებმაც აეროპორტიდან მამა გიორგი მამალაძის ბარგი ამოიღეს და მის სახლში ჩხრეკა ჩაატარეს, დაადასტურეს, რომ საგამოძიებო მოქმედება კანონის მოთხოვნათა სრული დაცვით განხორციელდა.

„დღეს დაიკითხნენ საქმის გამომძიებლები, რომლებმაც თბილისის საერთაშორისო აეროპორტიდან ამოიღეს მამალაძის ბარგი, რომელშიც აღმოჩნდა მომწამვლელი ნივთიერება ციანიდი, ასევე, რომლებმაც გიორგი მამალაძის ბინიდან ამოიღეს ცეცხლსასროლი იარაღი.  ყველა გამომძიებელმა დაადასტურა, რომ საგამოძიებო მოქმედება მათ მიერ კანონის მოთხოვნათა სრული დაცვით ჩატარდა. საზოგადოების სპეკულირება, რომ თითქოს და რაღაც კანონი ოყო დარღვეული, საგამოძიებო მოქმედების ჩატარებისას დარჩა დაუსაბუთებელი და განცხადებები მიმართული იყო საზოგადოების შეცდომაში შესაყვანად“, - აღნიშნა ზვიად გუბელაძემ.

მისივე ინფორმაციით, დღეს იკითხება ბრალდების მხარის მოწმე ადვოკატი ირმა ჭკადუა, რომელმაც ირაკლი მამალაძეს ურჩია, პროკურატურისთვის მიემართა.

ამასთან, პროკურორი ამბობს, რომ პატრიარქის მდივან რეფერენტი, საქმეში დაზარალებულად ცნობილი შორენა თეთრუაშვილი მოწმის სახით აუცილებლად  დაიკითხება, თუმცა როდის ეს ჯერჯერობით უცნობია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა

მაკრონმა ტრამპს უპასუხა: საფრანგეთი ყოველდღე არ დაადასტურებს თავის სუვერენიტეტს ვიღაცის უცნაური განცხადებების გამო

მომავალ კვირას გაეროს გენერალურ ასამბლეაზე დაახლოებით 130 მსოფლიო ლიდერი შეიკრიბება