დემირელის კერძო კოლეჯის ხარისხის მართვის მენეჯერის, მუსტაფა ემრე ჩაბუქის მეუღლის თუბა ჩაბუქის განცხადებით, ლტოლვილთა სამინისტრო მისი მეუღლის ლტოლვილის სტატუსთან დაკავშირებით გადაწყვეტილებას სავარაუდოდ, 10 თვეში მიიღებს.

თუბა ჩაბუქმა აქციის მონაწილეებს მხარდაჭერისთვის მადლობა გადაუხადა და მთავრობას სამართლიანი გადაწყვეტილების მიღებისკენ მოუწოდა.

„მადლობას ვუხდი ორგანიზატორებს და ყველას, ვინც აქ შეიკრიბა. თქვენი თანადგომა ჩემთვის ძალიან მნიშვნელოვანია. ამდენი შეკრებილი ადამიანი იმედს მაძლევს, რომ ჩემი ქმარი გადარჩება და ყველაფერი კარგად იქნება. მინდა სამართლიანობამ გაიმარჯვოს და სწორედ ამას ვითხოვ. რა თქმა უნდა არ მინდა, რომ ჩემი ქმარი თურქულ მხარეს გადასცენ. ლტოლვილთა სამინისტროს მივმართეთ და მოვითხოვეთ სტატუსის მინიჭება. როგორც გვითხრეს 10 თვეში იქნება პასუხი და კარგის იმედი გვაქვს“, - განაცხადა თუბა ჩაბუქმა.

ცნობისთვის, მთავრობის ადმინისტრაციასთან მუსტაფა ემრე ჩაბუქის მხარდამჭერი აქცია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილთან დაკავშირებით ნანუკა ჟორჟოლიანის გაყალბებული ციტატა ვრცელდება - მითების დეტექტორი

ბარამიძე – პრეზიდენტ სააკაშვილს თავისი სათქმელი აქვს და რასაც ჩათვლოს საჭიროდ, იმას იტყვის

შვებულებაში გაშვებულ ზარდიაშვილის მოადგილედ ნავთობისა და გაზის ტრანსპორტირების კომპანიის ყოფილი ხელმძღვანელი დანიშნეს

ზაფხულის ცხელ დღეებთან დაკავშირებით სპეციალისტები მოსახლეობას აფრთხილებენ