აზერბაიჯანელი ჟურნალისტის აფგან მუხთარლის ადვოკატები საქართველოს მთავარ პროკურატურას მათი დაცვის ქვეშ მყოფის საქმეზე გამოძიების დაწყებისკენ მოუწოდებენ, - ამის შესახებ უფლებადამცველებმა დღეს გამართულ პრესკონფერენციაზე განაცხადეს.

როგორც ადვოკატმა პემატ კარიმლიმ აღნიშნა, ჟურნალისტი 4 პირმა დააკავა, რომელთაგან 3 საქართველოს კრიმინალური პოლიციის ფორმაში იყო ჩაცმული, ხოლო ერთს სამოქალაქო სამოსი ეცვა.

ამასთან, ადვოკატის თქმით, აფგან მუხთარლის თავზე ტომარა ჩამოაცვეს და სხვა მანქანაში გადასვეს.

უფლებადამცველმა ჟურნალისტზე დაყრდნობით აღნიშნა, რომ პირები რომლებმაც ის დააკავეს, პერიოდულად, რეკავდნენ და ვიღაცას ტელეფონით ანგარიშს აბარებდნენ.

აზერბაიჯანელი ჟურნალისტის ქართველი ადვოკატები, ყველა ამ დეტალის გათვალისწინებით, ითხოვენ გამოძიება პროკურატურამ დაიწყოს. ადვოკატი არჩილ ჩოფიკაშილი არ გამორიცხავს, თანამდებობის პირების პასუხისმგებლობის საკითხიც დადგეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რთული მეტეოროლოგიური პირობების გამო, აჭარის რეგიონში მატარებლების გადაადგილება შეფერხებულია

საფრანგეთის პრეზიდენტობის კანდიდატი ლეპენი მკვეთრად აკრიტიკებს რუსეთს

ზელენსკიმ რუსეთის წინააღმდეგ შორი დისტანციის დარტყმების გაფართოების შესახებ განაცხადა

პუტინმა ცხინვალის რეგიონში მის მარიონეტ მარატ კამბოლოვს ე.წ არჩევნებში გამარჯვებას ულოცავს