პროკურორი: პირადი ცხოვრების შემცველი ინფორმაცია, მამალაძის, როგორც სასულიერო პირის, მორალურ თვისებებს ნეგატიურად წარმოაჩენს

2017-05-19 12:55:45, 2113 ნახვა

სამართალი კომენტარი

ე.წ. ციანიდის საქმის პროკურორის განცხადებით, არსებითი განხილვის სხდომები სრულად უნდა დაიხუროს პერსონალური მონაცემების, პირადი ცხოვრებისა და პროცესის მონაწილეთა უსაფრთხოების ხელყოფასთან დაკავშირებული გარემოებების გათვალისწინებით.

ბრალდების წარმომადგენლის განცხადებით, საქმეში არსებული მტკიცებულებები შეიცავს პირადი ცხოვრების შესახებ ინფორმაციას გიორგი მამალაძესთან და მესამე პირთან დაკავშირებით. ამიტომ, პროკურორის განმარტებით, მამა გიორგი მამალაძის თანხმობა სხდომის საჯაროობაზე არ აძლევთ უფლებას ამგვარად მოქმედების, ვინაიდან მამალაძის მიერ თავისი უფლების რეალიზება, დაარღვევს სხვა პირთა უფლებებს.

ამასთან, პროკურორის განცხადებით, პირადი ცხოვრების შემცველი მტკიცებულებები, გიორგი მამალაძის, როგორც სასულიერო პირის, მორალურ თვისებებს ნეგატიურად წარმოაჩენს.

სხდომის დახურვა-არ დახურვის თაობაზე, მოსამართლეს ჯერ გადაწყვეტილება არ მიუღია. ის ამ წუთებში პროკურატურის მხრიდან შუამდგომლობის დასაბუთებას ისმენს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან