2017-04-01 11:16:50, 1488 ნახვა
საზოგადოება
ასწლოვანი ტიტას ხე, რომელიც გურიაში გადაჰქონდათ, ზღვიდან ხმელეთზე დააბრუნეს
ასწლოვანი ტიტას ხე, რომელიც მახინჯაურში, ზღვის სანაპიროდან რამდენიმე მეტრში წყალში იყო გაჩერებული, უკან ხმელეთზე დააბრუნეს.
ხის გადატანის სამუშაოებს კომპანია „გზა“ ასრულებს.
კომპანიის იურისტის, არჩილ ბასილაძის განცხადებით, ზღვაზე შტორმია მოსალოდნელი, რის გამოც ბარჟის დაცლა გახდა საჭირო. მისივე თქმით, „ნაციონალური მოძრაობის“ წევრების მიერ გუშინ გამართულმა აქციამ სამუშაოები მნიშვნელოვნად შეაფერხა.
კომპანიის თანამშრომლები ამინდის გაუმჯობესებას ელოდებიან.
შეგახსენებთ, გუშინ მახინჯაურიდან გურიის დენდროლოგიურ პარკში ასწლოვანი ხის გადატანა ადგილზე ენმ-ის წარმომადგენლებმა და გარემოს დამცველებმა გააპროტესტეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
