2017-03-27 10:34:16, 1527 ნახვა
საზოგადოება
ბათუმში გაჩენილი ხანძრის შედეგად 50-მდე ოჯახი დაზარალდა
ბათუმში, ოძელაშვილის ქუჩის 11 ნომერში, დღეს გამთენიისას ხანძარი გაჩნდა.
შედეგად ერთი მეხანძრე დაშავდა. ის მკურნალობას საავადმყოფოში გადის. ცეცხლი დაახლოებით, 1600 კვადრატული მეტრის ფართობზე გავრცელდა.
დამწვარია ხუთსართულიანი საცხოვრებელი კორპუსის სახურავი. „რუსთავი2“-ის ინფორმაციით, ხანძრის შედეგად 50-მდე ოჯახი დაზარალდა. ცეცხლი უკვე ლიკვიდირებულია. მისი გაჩენის მიზეზები ამ დროისთვის უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
