2017-03-24 12:46:57, 1288 ნახვა
საზოგადოება
ქვემო ფონიჭალაში საგზაო ინფრასტრუქტურა წესრიგდება
კრწანისის გამგეობა ქვემო ფონიჭალაში საგზაო ინფრასტრუქტურის მოწესრიგებას განაგრძობს.
თბილისის მერიის ინფორმაციით, აფხაზეთის II ჩიხში, 1100 კვ.მ-ზე, ასფალტის ორფენიანი საფარიმოეწყო.
მათივე ცნობით, მიმდინარეობს გზის კაპიტალური მშენებლობა აფხაზეთის I ჩიხში, სადაც სამუშაოები 1100 კვ.მ-ზე შესრულდება.
ინფრასტრუქტურულ სამუშაოებს კრწანისის გამგებელი, გიორგი კოპალეიშვილი, თბილისის საკრებულოში რაიონის მაჟორიტარ დეპუტატთან, ქეთი მამულაშვილთან ერთად გაეცნო.
ქვემოფონიჭალაში, მიმდინარე წელს, გზის კეთილმოწყობა კიდევ ოთხ მისამართზე დასრულდა.
ასფალტის საფარი დაიგო გულბანის I და II ჩიხებში, რაფავასა და ხვიტიას ქუჩებზე. საგზაო სამუშაოებს გამგეობის კონტრაქტორი კომპანია შპს „გუმი“ აწარმოებს.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
