თბილისის მერის დავით ნარმანიას განცხადებით, 27-28 მარტს დედაქალაქში, ვიზალიბერალზიაციის ამოქმედებასთან დაკავშირებით, საინტერესო ღონისძიებები გაიმართება.

ნარმანიას თქმით, ღონისძიებათა პროგრამა უახლოეს დღეებში გამოქვეყნდება.

"28 მარტიდან ვიზალიბერალიზაციასთან დაკავშირებით დედაქალაქში საზეიმო ღონისძიებებია დაგეგმილი. ჩატარდება როგორც 27, ასევე 28 მარტს. 27 მარტს "ახალი ტფილისის" ტერიტორიაზე, ანუ განახლებული აღმაშენებლის გამზირზე მთელი დღის განმავლობაში ძალიან ბევრი საინტერესო ღონისძიება ჩატარდება. ევროპა ქუჩაზე ელოდება ჩვენს თანამოქალაქეებს, რაც გულისხმობს როგორც დიდებისთვის, ასევე პატარებისთვის სხვადასხვა სახის ღონისძიებას. ხოლო 28 მარტს ევროპის მოედანზე ჩატარდება გალა კონცერტი, სადაც ძალიან საინტერესო პროგრამაა წარმოდგენილი. ასე რომ 27-28 მარტს ვიზალიბერალიზაციასთან დაკავშირებით ძალიან ბევრი საინტერესო ღონისძიება გელოდებათ თითოეულ თქვენგანს. როგორც 27, ასევე 28 მარტის ღონისძიებების ძირითადი მონაწილეები ცნობილია. შესაბამისი მოსამზადებელი სამუშაოები დაწყებულია. იქნება როგორც სხვადასხვა ევროპული ტიპის ღონისძიება, ასევე ადგილობრივი შემსრულებლები. ეს პროგრამა უახლოეს დღეებში გამოქვეყნდება",- განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს