ესპანეთის ეროვნულმა პოლიციამ ქვეყანაში ჩატარებული სპეცოპერაციის ფარგლებში საქართველოს 48 მოქალაქე დააკავა, - ამის შესახებ ABC იუწყება.

მედია საშუალების ინფორმაციით, დაკავებულები ქართული დანაშაულებრივი ჯგუფის წევრები არიან.

როგორც ABC წერს, სპეცოპერაცია მადრიდში, ხეტაფეში, ლეგანესში და ბარსელონაში ჩატარდა, რის შედეგადაც დაკავებულებს 600-მდე საიუველირო ნაკეთობა აღმოაჩნდათ.

სააგენტოს ცნობით, პოლიციის აგენტებმა ოპერაციის შედეგად უამრავი საიუველირო ნაკეთობა, საყოფაცხოვრებო ტექნიკა, 13.000 ევრო და ბინების გატეხვის ინსტრუმენტები ამოიღეს.

ამასთან, ესპანური მედიის ინფორმაციით, ქართული დანაშაულებრივი ჯგუფის წევრები ქვეყნის მასშტაბით ბინებს ძარცვავდნენ.

ესპანეთის პოლიციამ, აღნიშნული სპეცოპერაციის შედეგად 40-მდე საქმე გახსნა.

როგორც პოლიციის თანამშრომლები აცხადებენ, საიუველირო ნაკეთობები და მოპარული ნივთები მადრიდის პოლიციის მთავარ სამმართველოში 31 მარტამდე გადაიგზავნება და დაზარალებული ოჯახებისთვის გადანაწილების პროცესი დაიწყება.

ვიდეო

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯანდაცვის სამინისტრო – ინფორმაცია, თითქოს კლინიკაში მოთავსებული ბაღის აღსაზრდელების ოჯახის წევრებს სამედიცინო მომსახურებისთვის გარკვეული თანხის გადახდა უწევთ, სიმართლეს არ შეესაბამება

კახა კალაძე სკოლის შენობის შესახებ: რამე რომ მოხდეს პასუხისმგებლობას ვინ აიღებს

ბათუმში, ტრადიციულად წვიმის შედეგად ქუჩები დაიტბორა

მიხეილ სარჯველაძე აცხადებს, რომ ინტოქსიკაციის ნიშნებით, 100-ზე მეტი ბავშვის ჰოსპიტალიზება გახდა აუცილებელი