დღეიდან იუსტიციის სახლში, კიდევ ერთი უწყების საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს სერვისი დაინერგა.

სსიპ „იუსტიციის სახლსა" და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს შორის, ურთიერთთანამშრომლობის ხელშეკრულებას, რომელიც ეკომიგრანტების „საცხოვრებელი სახლით დაკმაყოფილების " შესახებ განაცხადის მიღებას გულისხმობს, დღეს მოეწერა ხელი.

იუსტიციის სახლის ახალი სერვისით სარგებლობა შეუძლიათ საქართველოს სრულწლოვან მოქალაქეებს ან/და ოჯახებს, რომელთა საცხოვრებელი სახლი სტიქიური უბედურების გამო დაზიანდა, ექვემდებარება გადაადგილებას და სახიფათოა საცხოვრებლად.

იუსტიციის სახლში გაკეთებული განაცხადით, ბენეფიციარს შეუძლია მოითხოვოს ალტერნატიული საცხოვრებელი სახლის შესყიდვა, რომელსაც 25 000 ლარის ფარგლებში უზრუნველყოფს სამინისტრო.  მიღებული განაცხადი საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს გადაეგზავნება,  სადაც საცხოვრებლით დაკმაყოფილების შესახებ შესაბამისი გადაწყვეტილების მიღება მოხდება.

 სერვისის იუსტიციის სახლში დანერგვის ერთ-ერთი უმთავრესი უპირატესობა იმაში მდგომარეობს, რომ ბენეფიციარებს განაცხადის გაკეთების შესაძლებლობა საქართველოს მასშტაბით იუსტიციის სახლის 19 ფილიალში შეეძლებათ. აქამდე ეს მომსახურება საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს  მხოლოდ 3 ტერიტორიულ ერთეულში: თბილისში, ქუთაისსა და ზუგდიდში იყო შესაძლებელი.

„საცხოვრებელი სახლით დაკმაყოფილების" სერვისით სარგებლობის პროცედურული ნაწილი მოიცავს ადგილზე მოქალაქის ან/და ოჯახის მიერ განაცხადის ფორმის შევსებას, რომელსაც   საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო განიხილავს და მიიღებს გადაწყვეტილებას საცხოვრებელი სახლით უზრუნველყოფასთან დაკავშირებით.

სსიპ „იუსტიციის სახლსა" და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს შორის თანამშრომლობა ხელს შეუწყობს მომსახურების ხარისხის კიდევ უფრო გაუმჯობესებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა